Ijtimoiy pedagogik faoliyat va oila bilan ijtimoiy pedagogik faoliyatni tashkil etish

BOB YUZASIDAN XULOSA
O’zbek xalqi oila tarbiyasi sohasida o’ziga xos maktab-dorulfunun yaratgan. Bu borada xalq pedagogikasi juda ham sermazmun va boy tajribaga ega. Sharqda azal-azaldan oila tarbiyasiga yuksak baho berib kelingan. Totalitar tuzum davrida esa oilaning shaxs tarbiyasida tutgan o‘rni inkor etilib, uni ijtimoiy borlik vositasida tarbiyalashga harakat qilindi.
Ko’rinib turibdiki, qadimdanoq ajdodlarimiz bolalar tarbiyasi, oilaning ahamiyati bola tarbiyalanayotgan muhit va uning tarbiyaga ta’siri masalalariga o’z davrlaridayoq eng dolzarb masala sifatida qaraganlar. Shunga muvofiq holda bugungi kunda . Ta’lim muassasasining oila bilan olib boradigan ish shakllarini rivojlantirar ekanlar, eng yangi psixologik-pedagogik tadqiqotlar ma’lumotlarini e’tiborga olishlari ham muhimdir.
O’zbek oilasi o’zida ko’p asrlik mustahkam ma’naviy qadriyatlarimiz ravnaq topadigan shunday maskanki, uning barqarorligi va mustahkamligi jamiyatimiz rivojining muhim omillaridan biridir. Farzandlarning har tomonlama yetuk bo‘lib voyaga yetishlarida ota-ona, oilaning boshqa a'zolarining dunyoqarashlari, hayotiy yondoshuvlari va ma'naviy dunyosi o‘ziga xos o‘rin tutadi. Ota-ona bola tarbiyasida bir yoqadan bosh chiqarishi zarur, agar ota boshqacha, ona boshqacha talab qo’ysa, bolada ikkiyuzlamalik alomatlarini ko’ramiz. Bunday paytda ota-ona darhol o’z xatosini to’g’rilashi, boladagi nojo’ya qiliqlarni yo’qotishga harakat qilishi lozim. Ota-ona shunday ish tutib, o’zlari berayotgan tarbiyaning bolaga qanday ta’sir ko’rsatayotganini kuzatib borishi, bolada nojo’ya qiliqlar sezilsa, tarbiyaning boshqa samaraliroq usullarini qo’llashi zarur. Bolaga mehribonlik qilib, haddan tashqari erkalash uning kalondimog’, xudbin qilib qo’yishi, yoki pismiq, jur’atsiz, tashabbussiz bo’lib qolishiga olib kelishi mumkin.
Ta’lim muassasasining oila bilan olib boradigan ish shakllarini rivojlantirish uchun tashkil etilgan hamkorlikning bosh g‘oyasi ota-onalar uchun pedagogik yordam ko‘rsatishdan iboratdir.