Ijtimoiy pedagogik faoliyat va oila bilan ijtimoiy pedagogik faoliyatni tashkil etish

Tadqiqotning maqsadi – Guruh rahbarining ota-onalar bilan olib boradigan ish shakllarini mexanizmini rivojlantirish va pedagogik shart-sharoitlarini aniqlashdan iboratdir.
Tadqiqotning vazifalari: Muammoning dolzarbligi, maqsadi, ob’ekti va predmetidan kelib chiqqan holda tadqiqot ishimizning quyidagi vazifalarini belgilab oldik:

• 
  Guruh rahbarining ota-onalar bilan olib boradigan ish shakllarini rivojlantirish uchun muassasa, pedagog-o`qituvchilar va ota-onalar hamkorligi faoliyatini rivojlantirishning mazmuni, maqsad va vazifalarini aniqlash;
  
• 
  Guruh rahbarining ota-onalar bilan olib boradigan ish shakllarini rivojlantirishda qo’llaniladigan samarali usul va vositalarini tasniflash;
  
• 
  Guruh rahbarining ota-onalar bilan olib boradigan ish shakllarini rivojlantirish yo’llarining pedagogik shart-sharoitlarini nazariy va metodik jihatdan asoslash;
  
• 
  To’plangan nazariy-metodik ma’lumotlar va tajriba-sinov natijalari asosida uslubiy tavsiyalari berish.
  

Mavzuning o’rganilganlik darajasi: O’zbek xalqi oila tarbiyasi sohasida o’ziga xos dorulfunun yaratgan. Bu borada xalq pedagogikasi juda ham sermazmun va boy tajribaga ega. Bugungi kundagi yosh avlodni barkamol shaxs sifatida tarbiyalash maqsad va vazifalarini hal etishda oila, maktab va mahallaning o’rni beqiyosdir. Keyingi yillarda respublikamizda oila tarbiyasi va oilaviy tarbiya an’analariga oid muammolar yuzasidan ko’plab tadqiqot ishlari olib borilgan va olib borilmoqda. Butun jahonga ma’lum va mashhur bo’lgan mutafakkir ajdodlarimiz bilan bir qatorda pedagog olimlarimiz tomonidan yaratilgan ko’plab risola, qo’llanma, ilmiy-tadqiqot ishlari bunga yaqqol misol bo’la oladi. Shu ma’noda Oynisa Musurmonova, A.Munavvarov, M.Ochilov, Malika Inomovalarning tadqiqotlari katta e’tiborga molik. Ularning ilmiy-pedagogik ishlari oila tarbiyasi muammosiga bag`shlangan bo’lib, ko’plab tadqiqot ishlari olib borilgan. «Oilaviy tarbiya doimo o‘zining muraqqab va ko‘p qirraliligi, ajoyib va serjiloligi bilan ajralib turadi» (42,54), - deb ta'qidlaydi A. Munavvarov. Har bir oila o‘ziga xos bir olam, olam ichidagi va shu bilan birga olamga sig'magan olam, u tarbiya ishida o‘ziga xos, taqrorlanmas xususiyatlarni o‘zida namoyon qiladi. Ana shuning uchun ham oilaviy tarbiyaning hammaga ma'qul tushadigan yo`l-yo'riqlari mavjud emas.
Qolaversa, keyingi yillarda bola tarbiyasida oila, maktab va mahalla (jamoatchilik) hamkorligi masalalariga e’tibor kuchayib bormoqda.