Ijtimoiy menejment

Nazorat savollari:

1. 
   Tashkiliy munosabatlarning mohiyati nima?
   
2. 
   Rasmiy va norasmiy tashkillashtirishning farqi nimadan iborat?
   
3. 
   Nima uchun tashkiliy munosabatlar ahamiyati kundan kunga oshib bormoqda?
   
4. 
   Ijtimoiy tashkilotlarni loyihalashtirish printsiplari nimalardan iborat?
   
5. 
   Zamonaviy tashkiliy munosabatlarda qaysi omillar ko’proq ahamiyat kasb etmoqda?
   

Tayanch iboralar: ijtimoiy menejment, tashkiliy munosabatlar, rasmiy tashkiliy munosabatlar, norasmiy tashkiliy munosabatlar, ijtimoiy tizim, tashqi nazorat, resurs, tashqi muxit, fan - texnika taraqqiyoti.


Tavsiya etilgan adabiyotlar
1. Иванова В.Н. Социальный менеджмент. Учебное пособие. - М.: Высщая школа, 2002. -271 с.
2. Yo’ldoshev N.Q, Umarxodjaeva M., Yaxьyaeva I. ”Ijtimoiy menejment”. O’quv qo’lanma.-T.:TDIU.2012.-146 b.
3. Qosimova D.S., Nazarova G.G’., Salixova N.M., Ismailova N.S. “Inson resurslarini boshqarish”. Darslik-T.:Iqtisodiyot, 2011.-213 b.
4. Umarxodjaeva M.G. Ijtimoiy menejment. O’quv qo’llanma-T.: TDIU, 2007.- 244 bet.
5. Raximov D. Ijtimoiy menejment. «Iqtisod - moliya», Darslik, 2006.
6. R.R. Abdalimov, I.K. Urazboeva. Ijtimoiy menejment. Toshkent “Aloqachi” nashriyoti, O’quv qo’llanma, 2005.
7.Tojiev SH. Ijtimoiy menejmentdan masalalar yechish. T.:«O’zbekiston», 2002.-380 bet.
11-MAVZU. IJTIMOIY RESURSLAR, ULARNI AMALGA OSHIRISH YO’LLARI

1. Ijtimoiy resurs tushunchasi

2. Ijtimoiy resurslarning xususiyatlari
3. Motivatsion resurslarni aktivlashtirish

1. 
   Ijtimoiy resurs tushunchasi
   

«Resurs» tushunchasi 2 xil ma’noga ega:

-kerak paytda ishlatiladigan zahiralar va vositalar;
-ma’lum bir vositaning chegaralangan imkoniyatlari (masalan, 1sutkada 24 soat zahira mavjud).
«Resurs» so’zi «zahira» so’zi bilan yaqin ma’noga ega bo’lib, ko’pchilik hollarda sinonim sifatida ishlatiladi. «Zahira» so’zi lotincha «reserve»dan olingan bo’lib, «saqlash» degan ma’noni bildiradi. Bu tushunchalarga yaqin bo’lgan tushunchalardan yana biri «potentsial», ya’ni lotincha «potentia» - kuch degan ma’noni bildiruvchi so’zdir. Bu tushuncha qo’llanilishi mumkin bo’lgan barcha imkoniyatlar yig’indisini bildiradi.
Ijtimoiy resurs shaxslar, ijtimoiy tashkilotlar va umuman jamiyatning ijodiy kuch zahirasi bilan aniqlanadi. Insonlardagi bu energiya zahirasini ba’zi olimlar yadro energiyasi bilan tenglashtirishadi. Hozirgi zamonning eng dolzarb muammolaridan biri, mana shu zahiralarni yuzaga chiqarishdir.
Ijtimoiy menejerlar ijtimoiy resurslarni boshqarish va ularning sifat va miqdorini o’lchash mexanizmlarini ishlab chiqishlari kerak. SHu maqsadda ijtimoiy resurslar quyidagilarga bo’lingan:
1) Motivatsion; 2) Intellektual; 3) Informatsion; 4) Kommunikativ; 5) Ijtimoiy-psixologik; 6) Bellashuvli; 7) Demografik; 8) Ijtimoiy-ekologik; 9) Faoliyatli; 10) Innovatsion; 11) Strategik; 12) Hodimlararo; 13) Tashkiliy; 14) Boshqaruv; 15) Ilmiy.

2.