Ijtimoiy-iqtisodiy jarayonlarni modellashtirish va prognozlash

Fanning vazifalari quyidagilardan iborat: Bu fanning vazifalari milliy iqtisodiyotning rivojlanishi bo‘yicha hukumat qarorlaridan kelib chiqadi. Bu vazifalar hozirgi kunda iqtisodiy strategiya barcha strategiyalardek fundamental, uzoq muddatli, maqsadli masalalarni qo‘yishdan boshlanadi. Ular orasida eng yuqori maqsad - xalqning madaniy va moddiy yashash darajasini asta-sekinlik bilan ko‘tarishdir. Iqtisodiy strategiya qo‘yilgan maqsadga borish yo‘llari va aniq usullarini o‘z ichiga oladi. Bunda iqtisodiy prognozlash katta ahamiyatga ega.
Iqtisodiyot va ishlab chiqarishni boshqarish maqbul qarorlar tanlash va ularning ijrosini ta’minlashi zarur, chunki bugungi kunda jamiyat uchun asoslanmagan qaror qabul qilishdan ko‘riladigan zarar darajasi salbiy ta’sir kursatishi mukarrardir. Shuning uchun zamonaviy xo‘jalik yuritish ijtimoiy iktisodiy jarayonlarni modellashtirish va prognozlash ko‘lami kengaytirilishini uning usul va uslubiyatlari takomillashtirilishini talab etmoqda.

3. 
   Ijtimoiy-iqtisodiy jarayonlarni modellashtirish va prognozlashning asosiy usullari va metodologik asoslari.
   

Fanning metodologik asosini dialektika tashkil etadi. Aynan dialektika, ko‘plab ilmiy fanlarning metodologiyasi bo‘lgani holda, mutaxassisga turmush, jamiyat va tafakkur rivojlanishining umumiy qonuniyatlari haqidagi bilimni beradi. Xo‘jalik yuritish muhitini tushunishni belgilab beruvchi uning kategoriyalari hayot faoliyati unsurlarining tutashish nuqtalarini aniqlash, ularda bir lahzali va tasodifiy holatlarni olib tashlab, ob’ektiv va alohida holatlarni ko‘rish imkonini beradi.
Dialektika kategoriyalari va qonunlari iqtisodiy hodisalar tadqiqotlari qoidalari va usullarini tushunishga yordam beradi. Shunday qilib, iqtisodiy tahlil istalgan rejalashtirish jarayonining majburiy qismi hisoblanib, u nihoyasiga yetgach, alohida hisob-kitoblarning o‘zaro ta’siri va to‘ldirishini tekshirish orqali ularni sintez qilish zarur. Bunda fanlarni bilish dialektikasi namoyon bo‘ladi.

4.