“Ijtimoiy fanlar”kafedrasi

Iqtisodiy tarbiya
- iqtisodiy bilim va iqtisodiy savodxonlik asosida kechadi. Iqtisodiy 
tarbiya - o‘quvchilar tomonidan o‘zlashtirilgan nazariy – iqtisodiy bilimlarga tayangan holda 
ularda muayyan sifat (tejamkorlik, tadbirkorlik, oqillik, uddaburonlik, kommunikativlik, 
vaziyatni to‘g‘ri baholay olish, mehnatsevarlik, ishchanlik hamda boshqalar) hamda iqtisodiy 
faoliyat ko‘nikma va malakalarini shakllantirishga yo‘naltirilgan pedagogik jarayon. 
Iqtisodiy ta’lim
- tarbiya jarayoni shaxsni maqsadga muvofiq takomillashtirish uchun, 
ya’ni iqtisodiy malaka va ko‘nikmalarni egallashi uchun uyushtiriladi va tarbiyalanuvchining 
shaxsiga muntazam va tizimli ta’sir etish imkoniyatini beradi. Iqtisodiy ta’lim jarayonida ta’lim 
oluvchining ongi (ta’lim jarayonida), hissiyoti (darsda va sinfdan tashqari ishlarda), irodasi 
(faoliyatni uyushtirish, xulqni idora qilish jarayonida)ga muntazam ta’sir etiladi. Iqtisodiy 
ta’limni tashkil etishdan asosiy maqsad ta’lim oluvchilarni iqtisodiy faoliyat sub’ekti sifatida 
iqtisodiy ko‘nikmalarni oshirish va kelajak malakalarini shakllantirishdan iborat.
Buning uchun: “iqtisodiy faoliyat tizimini o‘rganish, undagi o‘zining o‘rnini his etish, 
zamonaviy iqtisodiy xulq atvor normalarini, iqtisodiy madaniyatni egallash, zamonaviy 
119
Katona G. Psychological Economics. – L.: Oxford; Amsterdam: Elsevier, 1997. 78-b. 
120
G.M.Gukasyan. Ekonomika ot 
“A” do “YA”. Tematicheskiy spravochnik. M.
2010. 85-b. 

---

iqtisodiy fikrlashni shakllantirish, mexnat vositalariga va natijalariga tejamkorlik 
munosabatlarini tarbiyalashdan iborat”. 
Iqtisodiy bilim
- ishlab chiqarish jarayonining mohiyati hamda iqtisodiy munosabatlar 
mazmunini yorituvchi asosiy ma’lumotlar majmui.
Iqtisodiy savodxonlik
- ishlab chiqarish, xo‘jalik faoliyati, iqtisodiyot, iqtisodiy 
munosabatlar borasidagi boshlang‘ich ma’lumotlarga ega bo‘lish. 
Ta’lim oluvchilar tomonidan iqtisodiy bilimlarni puxta o‘zlashtirish va ularni amaliy 
faoliyatda qullay olish iqtisodiy madaniyatning shakllanishi va mustahkamlanishini 
ta’minlaydi. 
Iqtisodiy faoliyat albatta jamiyatda shakllangan va takomillashib borayotgan iqtisodiy 
madaniyatga tayanadi. Iqtisodiy madaniyat bu xo‘jalik faoliyatini faoliyati va qimmatliklar 
tizimi, xususiy mulk shakliga va iqtisodiy muvaffaqiyatga nisbatan hurmat, tadbirkorlik 
sohasidagi ijtimoiy muhitning rivojlanishi va unga nisbatan barqaror munosabatni 
tashkillanishidir. 
Kreativlik va konstruktivlik tamoyili iqtisodiy tafakkur qismlarini uyg‘unligini 
ta’minlashda ijodkorlik va bir tizimga solinganlik asosida amalga oshadi. Bular texnologik 
yangilanishlarga sababchi bo‘ladi, insonning iqtisodiy hayot jarayonini yaxshilashga xizmat 
qiladi. 
Iqtisodiy tafakkur har qanday jamiyatda ilmiy ishlarni olib borishda bir necha darajada 
kechadi.
Bular; birlamchi, tarmoqli va umumdavlat darajalari. Ilmiy izlanish olib borayotgan 
iqtisodiy institutlar ishlab chiqarish yoki boshqa tarmoqlarda iqtisodiy farovonlikka qaratilgan 
ishlarni olib borishda avval birlamchi, ya’ni biror tajriba asosida yangi maxsulot yaratadi, keyin 
tarmoqli va umumdavlat darajalarida ularni keng qollaydilar. 

---