Ижтимоий ривожланиш назариясининг методологик асослари Иқтисодий ўсиш ва унинг кўрсаткичлари

жадвал
Аҳоли турмуш даражаси кўрсаткичлари

БМТ концепцияси	Швед модели	Француз модели
1. Сиҳат-саломатлик. 2. Озиқ-овқат истеъмоли. 3. Таълим. 4. Иш билан бандлик ва меҳнат шароитлари. 5. Уй-жой шароити. 6. Ижтимоий таъминот. 7. Кийим-кечак. 8. Дам олиш ва бўш вақт. 9. Инсон ҳуқуқлари.	1. Меҳнат ва меҳнат шароити. 2. Иқтисодий имкониятлар. 3. Сиёсий имкониятлар 4. Мактаб таълими. 5. Соғлиқни сақлаш ва тиббий ёрдамдан фойдаланиш. 6. Ижтимоий имкониятлар. 7. Уй-жой. 8. Истъемол. 9.Бўш вақт ва уни ўтказиш.	1. Аҳоли сони ва таркиби, меҳнат ресурслари ва меҳнат шароити. 2. Даромадлар тақсимланиши ва улардан фойдаланиш. 3. Фаолият кўрсатиш шароитлари. 4. Турмуш даражасининг ижтимоий жиҳатлари.

Аҳоли турмуш даражасининг маънавий эҳтиёжларни қондирилиши бўйича кўрсаткичлари аҳолининг саводхонлиги, нашр этилаётган адабиётлар, даврий нашрлар ҳажми, фуқароларнинг телевизор, ахборот воситалари ва компьютерлар билан таъминланганлиги, мактаб ёшигача (0-6 ёш) бўлган болаларнинг мактабгача тарбия таълим муассасалари билан қамраб олиниши, мактаб ёшидаги болаларнинг мактаблар билан таъминланганлиги, академик лицейлар, касб-ҳунар коллежлари ва олий ўқув юртлари, уларда таҳсил олаётганлар сони ва қабул миқдорини акс эттиради.
Аҳоли турмуш даражасининг ижтимоий эҳтиёжлар қондирилишини ҳисобга оладиган кўрсаткичларига эса ишлаб чиқаришда иш вақти йўқотилиши (бир ходимга ўрта ҳисобда), ходимлар меҳнат шароити ўзгариши, шикастланиш (бир иш куни ва бундан кўпроқ муддатга шикастланганлар, меҳнат қобилиятини йўқотганлар, шикастланиши ўлим билан тугаганлар сони), спорт-соғломлаштириш, маданий-истироҳат масканлари, пенсиялар, нафақалар, ўртача ва энг иш ҳақи миқдорлари, ишсизлар сони, атроф-муҳит, жиноятчиликнинг аҳволи, аҳолининг пул даромадлари ҳамда ҳаражатлари ва ҳоказолар киради.
Аҳолининг турмуш даражаси инсоннинг юқорида қайд қилинган асосий эҳтиёжларининг қондирилиши индикаторлар асосида аниқланади (расм).