«Ижтимоий педагогика»

Биринчиси – оилада меҳнатнинг деярлик бутунлай йўқолиши. Олдинлари бутун оила ҳаётининг маркази (тарбиявий, ички хўжалик ва ҳак.) она ҳисобланарди. У доимо уйда бўлиб, ўз оиласининг ҳамжихатлигини, яқинлигини таъминлаб, химоя этиб турган. Оила ҳудди бир кишидек, якдиллик билан меқнат қилган. Хозирги кунга келиб оила аъзолари одатда ўз уйидан ташқарида меҳнат қиладилар. Эндиликда уй иш жойидан кўпрок дам олиш жойига айланиб қолмоқда. Ўз ривожланиш хусусиятларига кўра маданият меҳнатни оиладан четга суриб чиқаряпти: техниканинг тобора такомиллашиб бориши натижасида оила меҳнати енгиллашиб, унинг қийинлигини ва ҳажмини камайтирмоқда.
Иккинчиси –бу аҳолининг барча қулайликларга эга бўлган шаҳарларга келиб яшашга интилаётганидир. Буни ўзбекистонда кейинги ўн йилликларда янги шаҳарларнинг кўплаб пайдо бўлиши ва унда аҳоли сонининг тобора ортиб боришида ҳам кузатиш мумкин. Бунинг оқибатида қишлоқ ҳаёти шароитида яшаётган аҳолининг анчагина қисмининг шаҳар билан қишлоқ ўртасидаги алоқаси сусаяди.
Чунки, олдинлари кўпчилик шаҳарлик кишиларнинг қишлоқда қариндошлари бўлиб, улар билан доимо алоқа қилиб турардилар. Мана шулар сабабли ҳам педагогикада алоҳида бир муаммо пайдо бўлади, яъни, қишлоқ аҳолисининг бир қисмини шаҳарларга кўчиб ўтиши, баъзи қишлоқларнинг эса шаҳарга жуда яқинлашиб қолганлиги натижасида одамнинг табиат билан алоқасида узилиш хосил бўлди, демак одам кўплаган авлод –аждодлари яратган анъана, тажриба ва билимларни аста –секин унита бошлади.
Учинчиси – хозирги замонавий оилада болага тарбия бериш кераклиги ҳақидаги аниқ вазифа, бурчнинг сусайишидир. Бундай оилаларнинг кўпчилигида отанинг болаларига нисбатан мажбурият – лари одатда уларни боқиш ва кийинтириш, ёки ундан сўралса, боласини жазолаш билан чегараланиб қолади. Бундан ҳам ёмони, олдинлари эркак иш билан доимо таъмин этилган ва уйига ўз ойлик маошини олиб келадиган бўлса, энди уларнинг аксарият қисмининг ишсиз қолиши натижасида аёлларнинг савдо – сотиқ билан шуғулланишга, узоқ юртларга кетиб –келиб юриб ўз оиласи ва болалари тарбиясидан узоқлашишидир.