Ижобий психология, стресс бошқаруви – мактабларда

 
Бажарилиш вақти: Бу одатда уй вазифаси сифатида берилади. Биринчи 
куни топшириқни тушунтириш учун 5-10 дақиқа ажратинг. 
 
Керакли материаллар: 
Кичик дафтар ёки блокнот; 
Ручка ёки қалам; 
 
Кўрсатма: Ўқувчиларга бутун синф миннатдорчилик (шукроналик) ҳисси 
амалиётини ўташини айтинг. Кейинги ҳафта ёки ой давомида ўқувчилар ўз 
блокнотларида ҳар куни улар миннатдор бўлган (шукур қилган) камида бир 
нарсани ёзадилар. Бу жуда оддий нарса бўлиши мумкин: ўқувчининг соғломлиги, 
қуёшли кун, дўст ёки оила билан бўлиш. Бу вазифа куннинг бошида ёки 
охирида амалга оширилиши мумкин, лекин улар буни ҳар куни қолдирмасдан 
қилишлари керак. Ўқувчиларга аввалига санани, сўнгра улар миннатдор бўлган 
камида битта нарса ёзиб қўйишларини тушунтиринг. 
Бу бир ҳафтадан бир ойгача ёки ундан узоқроқ муддатларда амалга 
оширилиши мумкин. Ўқитувчилар дафтарларни мунтазам текшириб туришлари 
керак, чунки ўқувчилар топшириқни бажараётганларини кузатиб бориш 
лозим. Бундан ташқари, бир ёки икки ўқувчи ҳар куни бутун синф учун 
миннатдор бўлган нарсалар ҳақида ўқиб беришлари мумкин. 

---

Миннатдорчилик дарахти 
 
 
Мазмуни: Позитив (ижобий) психология тадқиқотлари миннатдорчилик 
(шукроналик) 
кучли 
ва 
изчил 
равишда 
катта 
бахт 
билан 
боғлиқлигини кўрсатади . Миннатдорчилик 
одамларга кўпроқ 
ижобий 
ҳис-
туйғуларни ҳис этиш, яхши онлардан лаззатланиш, соғлиғини яхшилаш, 
қийинчиликларни енгиш ва мустаҳкам муносабатлар ўрнатиш имконини беради. 
 
Бажарилиш вақти: Биринчи куни синфга тушунтириш учун 5-10 дақиқа 
ажратинг, кейин вазиятдан келиб чиқиб ҳар куни бир неча дақиқадан тортиб ва 
исталган давомийликда бажарилиши мумкин.