Ҳулоса:
Ўтказилган текширувлар натижасида
донли экинларни турли
касалликлар, зараркунанда ва бегона ўтлардан кимёвий ҳимоялаш билан банд
бўлган ишчиларда ҳужайра вазифалари ва тузилмаларини зарарланиши,
учкарбон кислоталар энергетик цикли ферментлари фаоллиги, оқсиллар
синтези, организмнинг ҳимоя-мослашув механизмларига ингибирловчи ва
индуцирловчи таъсир кўрсатувчи биокимёвий силжишлар ривожланиши
аниқланди.
III Международная научно-практическая конференция
380
III International Scientific and Practical Conference
МУСТАҚИЛЛИК ЙИЛЛАРИДА ЎЗБЕКИСТОНДА АҲОЛИНИНГ
СОҒЛОМ ОВҚАТЛАНИШИНИ ТАЪМИНЛАШНИНГ ҲУҚУҚИЙ
АСОСЛАРИ
Ходжаев Н.И., Рахимова Ш.Ҳ., Ходжаев Б.Ж.
Самарканд давлат тиббиёт институти
Резюме.
Истиқлол йилларида мамлакатимизда аҳолининг соғлом ва тўғри
овқатланишини ташкил қилишнинг ҳуқуқий асосларининг таҳлили.
Калит сўзлар:
соғлом овқатланиш, соғлом турмуш тарзи.
Кириш.
Ўзбекистон Мустақиллиги йилларида юртимизда аҳолининг
соғлом ва тўғри овқатланитиришни ташкил қилишга эътибор давлат сиёсати
даражасига кўтарилди.
Материаллар ва усуллар
: Аҳолининг соғлом ва тўғри овқатланишининг
ташкил қилишнинг ҳуқуқий асослари саналмиш Республика Президентининг
фармон ва қарорларини амалга ошириш туфайли кутилаётган натижаларининг
таҳлили.
Маълумки, Мамлакатимизда соғлиқни сақлаш тизимини ислоҳ қилиш,
юқумли бўлмаган касалликларининг олдини олиш, жисмоний фаолликни
қўллаб-қувватлаш ҳамда соғлом турмуш тарзини шакллантириш, аҳолининг
соғлом ва тўғри овқатланишини таъминлаш масалаларига Ўзбекистон
Мустақиллиги йилларида Ўзбекситон Республикаси Биринчи Президенти
Ислом Каримов ва Юртбошимиз Шавкат Мирзиёев томонидан жиддий эътибор
қаратилиб келинмоқда. Ушбу долзарб вазифаларни тизимли равишда амалга
ошириш мақсадида давлат раҳбарининг қатор фармон ва қарорлари қабул
қилинди.
Шулар жумласига, аҳолининг соғлом ва тўғри овқатланишини
таъминлаш, фаол жисмоний ҳаракатни қўллаб-қувватлаш, ноинфексион
(юқумли бўлмаган) касалликлар (гипертония, инфаркт, инсульт, қандли диабет
ва бошқалар) нинг олдини олиш борасидаги ишларини сифат ва
самарадорлигини янада яхшилаш, аҳолининг тиббий маданияти ва тиббий
саводхонлигини янада ошириш мақсадида Ўзбекистон Республикаси
Президентининг 2020 йил 10 ноябрдаги ПҚ-4887-сонли “Аҳолининг соғлом
овқатланишини таъминлаш бўйича қўшимча чора-тадбирлар тўғрисида”ги
қарори имзоланган.
Қарорда кўзда тутилган вазифалар ва уларни амалга ошириш чора-
тадбирларини ва кутиладиган натижаларни таҳлил қилганда қуйидагиларни
аниқлаш мумкин.
Мазкур қарорга асосан 2021 йил 1 июн санасидан мамалакат аҳолисининг
айрим контингентига бепул тарзда қўшимча микроэлементлар ва витаминлар
билан таъминлаш кўзда тутилган.
Шу жумладан, уйда тайёрланадиган овқатларни микронутриентлари
кукуни билан бойитиш 6 ойдан 23 ойликкача ёшдаги болаларга мўлжалланган.
Do'stlaringiz bilan baham: |