Ii. Молекула ва ҳужайра физиологиясининг техник базалари

Антони ван ЛЕВЕНГУК (Голландия; Antony van Leeuwenhoek, 24.10.1632–26.08.1723) – табиатшунос олим, микроскоп конструктори, Лондон Қироллик илмий жамияти аъзоси (1680), тадқиқотлари давомида 500 дан ортиқ линзалар ва ~25 та микроскоп ясаган ва улардан 9 таси бизнинг давримизгача етиб келган, айрим маълумотларда у ясаган микроскоплар объектларни 500 мартагача катталштириб кўрсатганлиги қайд қилинади, бироқ бизгача етиб келган микроскопларининг максимал катталаштриш қиймати 275 мартани ташкил қилади. Ўзи ясаган микроскоп ёрдамида биринчи бўлиб, эритроцитларни ўрганган, бактерияларни тавсилаган (1683), сперматозоид морфологик тузилишини тавсифлаган (1677), инфузорияларни аниқлаган.


2.1.Ёруғлик микроскоп.

Микроскоплар ўрганилаётган объектни катталаштирилган тасвирини чиқариб берувчи ускуналардир. 1.1- расмида ёруғлик микроскопининг энг муҳим таркибий қисмлари тасвирланган. Ёруғлик манбаси микроскопнинг ташқи томонида ёки унинг асосида жойлашиб, объектни ёритиш учун хизмат қилади. Микроскоп конденсорининг линзалари ёруғлик манбасидан келаётган тарқоқ нурларни тўплаб, намунани ўта майдақисмларини катталаштиришдан кейин кузатиш имконини беради. Конденсор линзалари орқали намунага йўналтирилган ёруғлик нурлари кейинчалик микроскопнинг объектив линзалари томонидан тўпланади. Айнан шу жойдан бошлаб, биз объектив линзаларига кирувчи ёруғлик нурларининг иккита наборини ҳисобга олишимиз зарур: намуна ўзгартирадиган ва ўзгартирмайдиган нурлар (1.2- расм).

Расм. Ёруғлик микроскопининг умумий тузилиши.

Иккинчи, яъни намуна ўзгартирмайдиган нурлар гуруҳига тўғридан-тўғри объектив линзаларидан ўтадиган, конденсордан келаётган нурлардан ташкил топган бўлиб, визуал майдоннинг орқа ёруғлик фонини хосил қилади. Ёруғлик нурларининг биринчи гуруҳи намунанинг турли қисмларидан тарқалади ва уни тасвирини хосил қилади. Объектив линзалари орқали келган ёруғлик нурлари микроскопнинг ичида намунанинг ҳақиқий, катталаштирилган тасвирини шакллантиради (1.1-расм). Объектив линзалари орқали шаклланган тасвир иккинчи линзалар тизими – окуляр линзалар томонидан объект сифатида фойдаланилиб, бунда катталаштирилган виртуал тасвир хосил бўлади. Учинчи линзалар тизими кўзимизнинг олд қисмида жойлашган бўлиб, у окуляр линзалар томонидан хосил бўлган виртуал тасвирни тўр пардадаги ҳақиқий тасвирга айлантиради.