Ii bob tarbiya darsini tashkil qilishda ajdodlar

Mavzuning dolzarbligi : O`zbek xalqi ko`p asrlik tarixiy taraqqiyotida katta madaniyatni yaratdi. U yaratgan boyliklar yoshlar tarbiyasida muhim vosita bo`lib xizmat qiladi. Ismoil – al – Buxoriy, Al – Xorazmiy, Beruniy, Farobiy, Abu Ali Ibn Sino, Yusuf Xos Hojib, Ahmad Yugnakiy, Sa`diy Sherozi, Ahmad Yassaviy, Nizomiy Ganjaviy, Farididdin Attor, Abdurahmon Jomiy, Alisher Navoiy va boshqa buyuk mutaffakkirlarning asarlari orqali o`quvchilarni go`zal axloq, baxt, insof, poklik, iffat, sabr – matonat, mehr – shafqat, sihat – salomatlik, ota – onani hurmat qilish qoidalari haqida keng tasavvurga ega bo`ladilar. Insoniylik o`z tarkibiga insonning eng yaxshi axloqiy xususiyatlarini ya`ni, odamlar ortasida o`zaro yaxshi munosabatda bo`lish, do`stlik, ota – onaga sadoqatlilik, mehnatsevarlik, diyonatlilik kabi fazilatlarni qamrab oladi. Xalqimiz bolalarning yoshligidan ana shu go`zal fazilatlarini tarbiyalashga ahamiyat berib keladi. Maktablarimizdagi tarbiyaning mazmunini milliy va umuminsoniy qadriyatlar belgilashi lozim, ya`ni ta`lim – tarbiya mazmunida insonparvarlik, tenglik, xalqparvarlik, demokratiya g`oyalari ustuvor bo`lishi lozim. Masalan, Oybekning “Navoiy”, Abdulla Qodiriyning “O`tgan kunlar”, Abdulla Qahhorning “Sinchalak” kabi asarlari milliy va umuminsoniy demokratik va gumanistik qadriyatlar nuqtai nazaridan o`rganilishi maqsadga muvofiqdir.

Mustaqil mamlakatimizning kelajagi uchun ma’naviyati yuksak, barkamol insonlar zarur. Shuning uchun ham yurtboshimiz „Yuksak ma’naviyat — yengilmas kuch“ degan hikmatli shiorni yanada balandroq ko‘tardilarki, yuksak ma’naviyat mustaqillikni mustahkamlash, rivojlantirish uchun muhim va zaruriy tamoyillardan biri bo‘lib qoldi. Barkamol insonni axloqiy tarbiyalash, voyaga yetkazish haqida mutafakkirlarimiz bir qator asarlar yaratishgan. Chunonchi, Kaykovusning „Qobusnoma“, Sa’diyning „Guliston“, „Bo‘ston“, Amir Temurning „Temur tuzuklari“, Abdurahmon Jomiyning „Bahoriston“, Alisher Navoiyning „Mahbub ul-qulub“, Husayn Voiz Koshifiyning „Axloqi muhsiniy“ va boshqalarni ko‘rsatishimiz mumkin.

Ushbu bitiruv malakaviy ishini tayyorlashdan maqsad ham boy ma`naviy merosimizdan foydalanib yurt farzandlarini tarbiyalashdan iborat aslida. Buyuk ajdodlarimizning fikrlarini va qarashlarini yosh avlodga singdirsak, bizdan ham albatta yetuk ma`naviyatli, tarbiyali va har tomonlama kamol topgan farzandlar chiqishiga ishonamiz.

Yuqoridagilarni e`tiborga olib, biz mazkur bitiruv malakaviy ishi mavzusini “TARBIYA FANINI O`QITISHDA AJDODLAR MEROSIDAN FOYDALANISH” deb nomladik.