Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Масканларда электр мосламаларининг ёнғин хавфсизлиги текширувининг тартиби ва усуллари

/1; 2; 3; 6; 7; 8; 11; 13; 14; 15/
Масканларнинг электротехника қисмида ЁТТ (ПТО) ўтказиш услуби ҳақида тушунча бериш, маскан текширилаётган вақтда нималарни текширишни, ЁТТ ўтказилгандан сўнг ҳужжатларни расмийлаштиришга эътибор беришни тушунтириш.
Саноат масканлари, яшаш ва умумий фойдаланиш биноларида электр қурилмаларни кўрикдан ўтказиш умумий ёнғин техник кўриги билан биргаликда ўтказилади.
Кўрик 3 босқичда амалга оширилади:
- кўрикни ўтказишга тайёргарлик кўриш ва ўтказишни ташкиллаштириш;
- бевосита кўрик жараёни;
- кўрик натижалари таҳлили, ҳужжатларни тузиш ва тадбир якунига кўра бажариш учун тақдим этилган таклифларни бажарилишини назорат қилиш.
Кўрикнинг сифати уни ўтказаётган ташкилотга тегишли шахс томонидан кўрилган тайёргарликка боғлиқ.
Кўрикнинг ўтказишга тайёргарлик тартиби қуйидагича бўлади:
- масканнинг технологик жараёни ёнғин хавфини ўрганиш (ёнғин ва портлашга хавфли ҳудудларнинг мавжудлиги ҳамда уларда қанақа электр жиҳозлар ишлатилади);
- ушбу хона ва ҳудудларда ЭМТҚ талабларидан оғишиб ўрнатилган бўлиши мумкин бўлган электр жиҳозлари турларини аниқлаш;
керакли ҳужжат ва маълумотларни танлаб олиш (ЭМТҚ, жадвал ва бошқалар);
- электр жиҳозларини ишлатилиши билан боғлиқ содир бўлган авария ва ёнғинларни ўрганиш ҳамда таҳлил қилиш;
- электр қурилмаларни текшириш бўйича режа тузиб олиш (нимани ва қандай текшириш назарда тутилади);
- маскан раҳбарияти (ўринбосарларидан бири), маскан ёнғин хавфсизлиги хизмати бошлиғи, навбатчи электр монтёри ва маскан раҳбари таклифига кўра бошқа хизмат вакилларидан иборат комиссия тузишдан иборат.
Кўрикнинг ўтказиш пайтида масканнинг кучланиш ва ёритиш тизими чизмалари билан танишиш (лойиҳа бўйича чизмалар ва энергоцех бошлиғининг маълумотномаси), ЭМТҚ бўйича кўрикдан ўтказилаётган хоналар синфи ва ёнғин – портлаш хавфи ҳудудларини аниқлаш (технологик жараён, маҳсулот ва материалларнинг физика – кимёвий хоссаларини ўрганган ҳолда).
Электр жиҳозларидан фойдаланишда ЭМТҚ талабларининг бузилиши нималарга олиб келиши, шунингдек, уларнинг ишлатиш қоидалари юзасидан ишчи – хизматчилар ҳамда шу электр жиҳозларни ишлаши билан боғлиқ ходимлар орасида тушунтириш ишлари ва йўриқномалар кўрик давомида олиб борилиши керак. Кўрик жараёнида аниқланган майда камчилик ва етишмовчиликлар жойида бартараф этиб борилади.
Электр жиҳозларни кўрикдан ўтказиш пайтида ДЁХХ ва энергия назорати ходимлари ўзлари томонидан аниқланган ёнғинга хавфли электр хўжаликлар ҳолати бўйича бир-бирлари билан маълумот алмашиб боришлари лозим.
Кўрикни ўтказиш пайтида қуйидаги услубларни амалга ошириш таклиф этилади:
- ўтказгичлар, электр машина ва жиҳозлар, тарқатгич қурилмалар, ёритгич, арматура ва бошқаларни ташқи кўрикдан ўтказиш.
- ўрнатилган ёки ишлатилаётган электр мосламалари хилини ЭМТҚ (ПУЭ) талабларига мослигини текшириш;
- электр симлари ва кабелларини кесим юзасини юкланишга, кучланиш йўқолишига ва ҳимоя аппаратларини қисқа туташув токларида узиш қобилиятини текширув ҳисобини бажариш.

25.