Ii. Amaliy mashgulotlar materiallari 1-amaliy mashg’ulot Yigirishda mahsulot namligini nazorat qilish Ishning maqsadi

Tarash mashinasidan ajralayotgan chiqindi miqdorini va sifatini aniqlash. Bu laboratoriya xodimlari tomonidan tekshiriladi. Chiqindi ajralishi kapital va o‘rta ta’mirlashdan so‘ng, sortirovka o‘zgarganda, ilmiy tekshirish ishlarini olib borilganda tekshiriladi. Mashina remontdan so‘ng bir sutka ishlashi kerak.

Buning uchun mashinaning hamma qismlari, chiqindi bo‘limlari tozalanadi. Chiqindi miqdori 1 ta toz to‘liq ishlatib bo‘lgancha tekshiriladi. Tozdagi pilta tugagach hamma chiqindilar alohida-alohida tortiladi. Ishlatilgan pilta og‘irligi 100% deb olsak, chiqindi og‘irligiga nisbatan hisoblab chiqindini foizini aniqlash mumkin.

Ayrim sortirovkalar uchun, chiqindi miqdorini aniqlashda sortirovka va ipni qaysi maqsadda ishlatilishi katta rol o‘ynaydi. Chiqindi sifatini PZS va AXM asboblarida aniqlanadi.

Tarash sifatini va iflosliklar miqdorini aniqlash usullari

Tarash mashinasidan chiqayotgan taram va piltani sifatini quyidagi xarakteristikalar yordamida aniqlanadi:

1. Tolalarning ajralganlik darajasi.

2. Taram tarkibidagi iflosliklar miqdori.

3. Taramdagi tolalar oriyentatsiyasi.

4. Tolalarni tekislanganlik darajasi.

5.Tolalarni ajralganligi, oriyentatsiyasi va tekislanganligi kompleks bahosi.

6. Ishlab chiqarilayotgan piltani sifati.

7. Mahsulotda tolani aralashtirilganlik darajasi.

Tolalarni ajralganlik darajasi-bu paxta bo‘lagidagi o‘rtacha tolalar sonidir. Bu ko‘rsatkichni ilmiy ishlar qilingan vaqtda A.G. Sevostyanov yaratgan usul bilan aniqlanadi.

Taram tarkibidagi iflosliklar miqdori-bu 3 xil usul bilan tekshiriladi.

2 ta 20x30 sm li oyna orasiga olingan taram tarkibidagi iflosliklarni sanash yo‘li bilan, bunda taram maydoni 600 sm² ga teng.

Ekspress usulda- bunda taram maydoni 100 sm² ga teng.

Ma’lum og‘irlikdagi piltani qo‘lda tekshirish yo‘li bilan.