Ii. Amaliy mashgulotlar materiallari 1-amaliy mashg’ulot Yigirishda mahsulot namligini nazorat qilish Ishning maqsadi

Ta’minlovchi-aralashtiruvchi agregatdan ajraladigan chiqindilar miqdorini aniqlash. Yigirish sanoati uskunalaridan ajraladigan chiqindilar miqdori paxta saralanmasiga (sortirovka) bog‘liq bo‘lib, har bir korxona uchun alohida-aloxida belgilanadi va bosh muhandis tomonidan tasdiqlanadi.Chiqindilar miqdori sex xodimlari va laboratoriya ishchilari yordamida tekshiriladi.

Titish-tozalash sexi boshlig‘i usta yordamchisi bilan birgalikda har haftada uskunalardan ajralayotgan chiqindilarni tekshiradi. Bunda ishchi mashinaning chiqindilar bo‘limidan olayotgan xas-cho‘plarni oddiy ko‘rish usuli bilan tekshirib ko‘radi. Sex ustasi esa, har oyda bir marta ajralib chiqayotgan chiqindilarni tarkibidagi momiq, paxta bo‘laklari, yigirishga yaraydigan tola bor-yo‘qligi aniqlanadi. Chiqindilarni rangiga ham e’tibor beriladi. Bu usuldagi tekshirishda ayniqsa turdosh uskunalardan chiqayotgan chiqindilarga ahamiyat beriladi, agarda ularda bir xil saralanma ishlatilayotgan bo‘lsa.

Ishlatilayotgan paxta tolasiga nisbatan % hisobidagi ajralayotgan chiqindilar miqdori kapital remontdan so‘ng va yangi saralanma ishga kiritilgan taqdirda tekshiriladi.