Идораларнинг буйруқ ёки

3-боб. Диссертация мавзуси бўйича эълон қилинган илмий ишларга қўйиладиган талаблар
19. Эълон қилинган илмий ишлар диссертациянинг илмий янгилигини акс эттириши керак. Диссертация натижалари халқаро ва республика доирасида ўтказилган илмий конференцияларда ва семинарларда апробациядан (муҳокамадан) ўтказилиши шарт.
Диссертациянинг асосий илмий натижалари даврий илмий нашрларда эълон қилиниши лозим. Ижтимоий-гуманитар фанлар соҳасида эълон қилинган асосий илмий ишлар якка муаллифликда бажарилган бўлиши керак (археология ихтисослиги бундан мустасно).
Аниқ ва табиий фанлар (археология ихтисослиги бўйича ҳам) бўйича фалсафа доктори (PhD) ва фан доктори (DSc) илмий даражалари бўйича “Диссертациялар асосий илмий натижаларини чоп этиш тавсия этилган миллий илмий нашрлар рейтинги” (бундан буён матнда Рўйхат деб юритилади)га киритилган нашрда камида 1 та мақола якка муаллифликда нашр қилинган бўлиши керак.
20. Фалсафа доктори (PhD) илмий даражасини олиш учун тайёрланган диссертация бўйича эълон қилинган умумий илмий ишлар таркибида камида 3 та мақола Рўйхатга киритилган нашрларда ва Халқаро базалар рўйхатига киритилган нашрларда фан тармоқлари бўйича қуйидагича чоп этилиши керак:
 

Фан тармоғи	Йиллар
	2020 й.	2021 й.	2022 й.	2023 й.
Физика-математика фанлари	1	2	3	4
Техника ва табиий фанлар	1	2	3	4
Тиббиёт ва фармацевтика фанлари	1	2	3	4
Ижтимоий-гуманитар фанлар	-	1	2	3

 
Диссертация натижаларининг халқаро ва республика илмий ва илмий-амалий конференцияларида кенг муҳокамаси асосида камида ҳар бири бўйича 2 тадан материал (мақола ёки маъруза тезиси) конференция материаллари тўпламида эълон қилинган бўлиши шарт.