Иқбол Гурпинар ҚЎРҚМА, aёлсан сени эшитувчи бир зот бор!

РАББИМИЗНИНГ БИЗГА ДЕГАНЛАРИ...
Олдинги бўлимларда Тавротда илк гуноҳнинг содир этилишига ва Одамнинг Жаннатдан чиқарилишига сабаб бўлган ва то қиёматгача ишланадиган гуноҳ, жиноят ва нимаики ёмонликлар бўлса, бунинг барча сабабчиси аёл қилиб кўрсатилган, дедик. Худди шу ҳақида Аллоҳ таоло Қуръонда нималар деган? Қуръонга назар солсак, илк гуноҳни ҳазрати Ҳавво содир этгани ҳақида ҳеч қандай далил ва ишора йўқлигига гувоҳ бўламиз. Аксинча, Қуръонда шайтоннинг васвасасига Одамнинг алдангани, исёнга кетгани ва адашгани очиқ-ошкор айтилган. Яна Одам ва Ҳаввонинг шайтон тарафидан алдангани ва тақиқланган мевани биргаликда еганлари ҳақида айтилади. Бақара ва Аъроф сураларида бу ҳодиса ҳақида эркак ва аёл баробар тилга олинади. Жаннатдаги неъматлардан фойдаланишлари мумкинлиги ва тақиқланган дарахтга яқинламасликлари кераклиги ҳар иккисига айтилган. Бақара сурасида Одамнинг тавба қилгани ва Аллоҳ унинг тавбасини қабул қилгани айтилган. Аъроф сурасида эса Одам билан Ҳаввонинг тавба қилишгани ва биргаликда Аллоҳдан мағфират сўраб ёлворишганидан баҳс этилган. Бу икки сурадан фарқли ўлароқ, Тоҳа сурасида шайтон олдин Одамни васваса қилгани, кейин иккиси бирга тақиқланган мевадан ейишгани зикр қилинган. Оятларда “Одам Раббига қарши чиқди ва адашди” деб, бу воқеага биринчи бўлиб Ҳавво эмас, ҳазрати Одам жавобгар экани айтилган. Энди яҳудийларнинг фалсафаси бўйича яқинлашиб, уларнинг аёлларга қилганларини аёллар эркакларга қилиши ва айтиши керакми? Аллоҳга шукрлар бўлсинки, биз мусулмонмиз ва ақлимизни ишлатамиз. Аллоҳ таоло Одам ва Ҳаввони, шу билан бирга бутун инсониятни ер юзига имтиҳон қилиш учун туширган, бунга ишонамиз ва иймон келтирамиз. Аллоҳ таоло аёлга ҳам, эркакка ҳам алоҳида-алоҳида устунлик, фазилат ва вазифалар юклади:
{ ٱلرِّجَالُ قَوَّ ⁠مُونَ عَلَى ٱلنِّسَاۤءِ بِمَا فَضَّلَ ٱللَّهُ بَعۡضَهُمۡ عَلَىٰ بَعۡضࣲ وَبِمَاۤ أَنفَقُوا۟ مِنۡ أَمۡوَ ⁠لِهِمۡۚ فَٱلصَّـٰلِحَـٰتُ قَـٰنِتَـٰتٌ حَـٰفِظَـٰتࣱ لِّلۡغَیۡبِ بِمَا حَفِظَ ٱللَّهُۚ وَٱلَّـٰتِی تَخَافُونَ نُشُوزَهُنَّ فَعِظُوهُنَّ وَٱهۡجُرُوهُنَّ فِی ٱلۡمَضَاجِعِ وَٱضۡرِبُوهُنَّ فَإِنۡ أَطَعۡنَكُمۡ فَلَا تَبۡغُوا۟ عَلَیۡهِنَّ سَبِیلًاۗ إِنَّ ٱللَّهَ كَانَ عَلِیࣰّا كَبِیرࣰا }