Iaasb general Template (Portrait)

Ҳисоблаб чиқилган баҳоларнинг асослилигини баҳолаш ва бузиб кўрсатиш фактларини аниқлаш (18-бандга қаранг)

A116. Олинган аудиторлик далили асосида аудитор далил тадбиркорлик субъекти раҳбарияти томонидан танланган қатъий баҳодан фарқ қиладиган ҳисоблаб чиқилган баҳога ишора қилади, деган хулосага келиши мумкин. Агар аудиторлик далили қатъий баҳони тасдиқласа, аудиторнинг қатъий баҳоси ва тадбиркорлик субъекти раҳбарияти томонидан танланган қатъий баҳо ўртасидаги фарқ бузиб кўрсатишни ташкил этади. Агар аудитор аудиторнинг диапазонидан фойдаланиш етарлича тегишли аудиторлик далилини таъминлайди, деган қарорга келган бўлса, аудитор диапазони доирасидан ташқарида ётувчи тадбиркорлик субъекти раҳбарияти томонидан танланган қатъий баҳо аудиторлик далили билан тасдиқланмайди. Бундай ҳолларда бузиб кўрсатиш тадбиркорлик субъекти раҳбариятининг қатъий баҳолаши ва аудитор диапазонининг унга энг яқин қиймати ўртасидаги фарқдан кам бўлмайди.
A117. Агар тадбиркорлик субъекти раҳбарияти ҳисоблаб чиқилган баҳо ёки уни аниқлаш усулини олдинги давр билан таққослаганда вазиятларда ўзгаришлар юз берган, деган субъектив баҳолаш асосида ўзгартирган бўлса, аудитор аудиторлик далили асосида ҳисоблаб чиқилган баҳо тадбиркорлик субъекти раҳбарияти томонидан асоссиз ўзгартирилиши натижасида бузиб кўрсатилган, деган хулосага келиши ёки буни тадбиркорлик субъекти раҳбариятининг нохолислигидан дарак берувчи кўрсаткич сифатида баҳолаши мумкин (А124-А125 бандларига қаранг).
A118. АХС 450²⁴ тузатилмаган бузиб кўрсатишларнинг молиявий ҳисоботларга таъсирини аудитор томонидан баҳолаш мақсадларида бузиб кўрсатишларни аниқлаш бўйича қўлланма тақдим этади. Ҳисоблаб чиқилган баҳоларга нисбатан фирибгарлик ёки хато туфайли бузиб кўрсатиш қуйидагилар натижасида юзага келиши мумкин:

• 
  Шак-шубҳасиз бузиб кўрсатишлар (ҳақиқий бузиб кўрсатишлар).
  
• 
  Тадбиркорлик субъекти раҳбариятининг аудитор асоссиз деб ҳисоблаётган ҳисоблаб чиқилган баҳоларга нисбатан мулоҳазалари ёки аудитор тегишли эмас деб ҳисоблаётган ҳисоб сиёсатининг танланиши ёки қўлланиши натижаси бўлган фарқлар (мулоҳазалар натижасида бузиб кўрсатишлар).
  
• 
  Жамланмалардаги бузиб кўрсатишларни аудитор томонидан энг яхши баҳолаш, шу жумладан аудиторлик танлашда аниқланган бузиб кўрсатишларни танлашни шакллантириш учун асос бўлган барча жамланмаларга татбиқ этиш йўли билан (татбиқ этиладиган бузиб кўрсатишлар).
  

Айрим ҳолларда ҳисоблаб чиқилган баҳолар жалб этилганда, бузиб кўрсатиш мазкур вазиятлар бирикмаси натижасида юзага келиши мумкин ва бу айрим вазиятни аниқлашни қийинлаштиради ёки бунга имкон бермайди.
A119. Молиявий ҳисоботларни тақдим этиш учун қўлланиладиган асос талабларига мувофиқ молиявий ҳисоботларга изоҳларга киритилган ёки ихтиёрий равишда қилинган ҳисоблаб чиқилган баҳолар ва тегишли очиб бериладиган маълумотларнинг асослилигини баҳолаш, моҳият эътибори билан, молиявий ҳисоботларда тан олинган ҳисоблаб чиқилган баҳо аудитини ўтказишда кўриб чиқиладиган масалаларни ўз ичига олади.