I sh “Boshlang‘ich sinf o‘quvchilarini chiroyli yozuvga o‘rgatish metodikasi”

Mavzu: Boshlang‘ich sinf o‘quvchilarini chiroyli yozuvga o‘rgatish metodikasi

Reja:

1. 
   Kirish
   

II.Asosiy qism

2.1 . Ona tili darslarining mazmuni.

2.2 Boshlang‘ich sinf o‘quvchilarini chiroyli yozuvga o‘rgatish metodikasi

2.3 Savod o‘rgatish jarayonida o‘quvchilarni to‘g‘ri va chiroyli yozishga o‘rgatishda didaktik o`yinlardan foydalanish.

III. Xulosa

IV. Foydalanilgan adabiyotlar
Kirish.

O‘zbekiston Respublikasi Oliy Majlisining qaroriga binoan 1993-yil 2-sentyabrda “Lotin yozuviga asoslangan o‘zbek alifbosini joriy etish to‘g‘risida”gi qonun qabul qilindi. 1995-yil 6-mayda bu qonunga o‘zgartirishlar kiritildi. Bu alifbo, birinchidan, jahon xalqlarning 30 foizdan ortig‘i mana shu yozuvdan foydalanadi. Bu esa xalqaro aloqa aralashuvini birmuncha yengillashtiradi.

Lotin alifbosiga asoslangan o‘zbek alifbosidagi harflar ham bosmasdan, ortiqcha jimjimasiz, qo‘l uzmasdan bog‘lab yoziladi. Shunung uchun yozuvga o‘rgatish metodikasida harflarni qo‘shishga alohida ahamiyat beriladi. O‘quvchilar barcha harflarni bir-biriga qo‘shish yo‘lini bilishlari lozim.

Yozuvga o‘rgatish, birinchi navbatda, grafik malaka hosil qilishdir. Har bir malaka ham ta‘lim berish, ko‘nikmani shakllantirish va shu asosida qator mashqlarni bajarish natijasida hosil bo‘ladi.

Bоlаlаrgа tа’lim-tаrbiya bеrish bоshlаng‘ich sinflаrdа yaхshi uyushtirilsаginа, yuqоri sinflаrdа ijоbiy nаtijаlаrgа erishilаdi. Shunisi o‘rinliki, bоshlаng‘ich sinf o‘quvchilаrining ish mоbаynidа o‘zigа хоs tоmоnlаri bоr. Chunki o‘quvchilаrning o‘qishgа munоsаbаtlаri bir-birlаridаn fаrq qilаdi. Bu esа tа’lim-tаrbiya ishlаrini uyushtirishdа bir qаtоr qiyinchiliklаrni vujudgа kеltirаdi.

So‘zlarni to‘g‘ri va chiroyli yozishga o‘rgatishni nafaqat ona tili va o‘qish darslarida, balki matematika, odobnoma, tabiatshunoslik kabi boshqa fanlarda ham tashkil etish, o‘quvchilarning chiroyli yozish malakalarini rivojlantirish va imloviy savodxonligini yanada oshirishga xizmat qiladi.

Ona tili darslarida asosan tekshirish diktantlari, ta’limiy diktantning lug‘at diktant, ko‘rsatish diktanti, saylanma diktant, ijodiy diktant kabi turlaridan foydalanib o‘quvchilarning imloviy savodxonligi oshirilsa, o‘qish darslarida tarqatma varaqalardan, mavzularda uchraydigan imlosi qiyin, yoki o‘quvchilar uchun notanish bo‘lgan so‘zlar ustida lug‘at ishlarini tashkil etish orqali to‘g‘ri va chiroyli yozishga o‘rgatil