I psixodiagnostika ha’m eksperemental psixologiya pa’nine kirisiw joba

Sóz baylıǵı subtesti

Kórsetpe: «Ayırım sózlerdiń mazmunın túsindirip beriń. Bul sóz qanday máni bildiredi?». Bul usıldı hámme sózler ushın qollanıń. Tórtinshi sózden baslań. /qıs/, eger sınalıwshı juwap beriwge qıynalsa, birinshi sóz – káráwátten baslań. Eger 4-8 sózler hár biri 0 ball menen bahalansa, tezde 1,2,3-sózlerdi tekseriń. Keyin 8,9-sózlerdi oqıp esittiriń. Bul jumıstı 5 márte izbe-iz urınıslar islenbegenshe dawam etiń.

Tez uǵıp alatuǵın intellektual sınalıwshılarǵa 3 yamasa 4-sózden keyin rásmiy soraw kórsetpeni aytpawǵa da boladı, tek sózlerdi birdey anıq aytıw kerek. Bazda sınalıwshı túsinbegen jaǵdayda izertlewshi mınaday dewi múmkin: «Bul tuwralı maǵan tolıǵıraq aytıp beriń», «Tolıǵıraq túsindirip beriń». Izertlew izbe-iz 5 márte sátsiz bolsa, juwaplar 0 ball menen bahalanǵannan soń toqtatıladı. 1-2-sorawlardıń hár biri 2 hám 0 ballar menen bahalanadı. 1-3 sorawlar berilmegen sınalıwshılarǵa 3 ball qoyıladı. Maksimal baha – 80.

Bahalaw ólshemleri hám durıs juwaplardıń ólshemleri. Ulıwma sózdiń hár bir durıs mánisi qabıl etiledi, bunda táriyp sulıw bolıwına onshelli itibar berilmeydi. Biraq onshelli durıs bolmaǵan juwap bahanı tómen túsiredi.