I psixodiagnostika ha’m eksperemental psixologiya pa’nine kirisiw joba

Na’tiyjeler analizi:

1 ball-o’z sizilmalari ha’m jaziwlarinan paydalanip,aytilg’an so’zlerdi tuwri ha’m qa’tesiz eske tu’sire alsa;

0,5 ball-siziqlari,jazg’an na’rselerine tiykarlanip, berilgen so’zge jaqinraq so’zdi eske tu’sirse;

0 ball-naduris eske tu’sirse.

Uliwma maksimal ko’rsetkish-10 ball

Bul balldi bala barliq aytilg’an so’zlerdi tuwri,toliq eske tu’sirse toplay aliwi mu’mkin.

Minimal ko’rsetkish-0 ball.

Rawajlaniw da’rejesi haqqinda juwmaq

10 ball-tuwridan-tuwri esitiw este saqlawi ju’da’ joqari da’rejede rawajlang’an.

8-9 ball- tuwridan-tuwri esitiw este saqlawi joqari da’rejede rawajlang’an.

4-7 ball- tuwridan-tuwri esitiw este saqlawi ortasha da’rejede rawajlang’an.

2-3 ball-pa’s da’rejede rawajlang’an.

ball- ku’shsiz rawajlang’an tuwridan-tuwri esitiw este saqlawina iye.

“Este qaldiriw protsessinin’ dinamikaliq o’zgeshelikleri”

Balag’a 10 so’zden quram tapqan qatar bir neshe ma’rte qaytariw arqali eslep qaliw ushin usinis etiledi.

Ha’r bir takirarlawdan son’, bala ta’repinen eslep qaling’an so’zler sani aniqlanadi.

To’mendegi so’zler qatarinin’ birewinen paydalaniladi.

1.Uy,parta,aq,jaqsi,almurt,por,ku’shli,kesa, sham,stol.

2.Pishiq, rushka,qizil,jaman,alma,polku’shsiz,vilka,shiraq,qa’lem.

3.Quwirshaq, qasiq,qizil, mashina, biyik, shotka, ana, kitap, tawiq, anar.

4.Iyt, ayna,gu’l,gilem,convert,aspan, ha’rip,uyqi,to’men, pishaq.

5.Saat,samal,baliq,juldiz,pil,qant,qag’az,stul, arqan,shabdal.

Esletpe: Balalardin’ este qaldiriw dinamikasin diagnostika qiliwda,mektepke shekemgi ha’m kishi mektep jasindag’i balalar ushin so’zler qatarin sonday du’ziw kerek,birinshi so’z ekinshi so’zge, ekinshi so’z u’shinshisine baylanisli,ma’niles bolmawi kerek.

Balanin’ eslep qaliwi ha’m qayta aytip beriwi ushin ta’jiriybeshi so’zler qatarin 6 ma’rtege shekem qaytariwi mu’mkin (onnan ko’p emes).

Ha’r bir qaytariwdan son’ tuwri ha’m qa’tesiz eslep qaling’an so’zlerdi belgilep barip,grafikda sa’wlelentiriledi.
6-7ball-6 ma’rte takirarlag’annan son’ 7-9 grafik tiykarinda:

a)eslep qaliw dinamikasi,

b)eslep qaliw o’nimdarlig’i aniqlanadi.

Grafikda ha’r bir takirarlawdan son’ eslep qalg’an so’zlerdin’ sani artip barsa-eslep qaliw dinamikasi jaqsilig’in bildiredi.

Eger ko’rsetkish o’zgermese,ortasha da’rejeden dalalat beredi.

Eger ha’r bir takirarlawdan son’da eslep qalg’an so’zler sani kemeyip barsa,bul eslep qaliw dinamikasinin’ to’menligin bildiredi.