I. Полимерларнинг тузилиши ва хоссалари

Полимер	Когезия энергияси, кЖмол
Занжирнинг 0,5 нм қисмидаги звенолар сони
Полиэтилен	4,19	3
Полибутилен	4,51	1
Табиий каучук	5,44	1
Поливинилхлорид	10,87	2-3
Поливинил спирт	17,56	2-3
Полиамид	24,25	1
Целлюлоза	25,92	1
Ипак фиброини	41,00	1

Макромолекулаларнинг полимерланиш даражаси ошиб бориши билан уларнинг ўзаро таъсирлашиши ҳам кескин ошади. Полимерланиш даражаси 1000 бўлганда ўзаро таъсирлашиш кучлари кимёвий боғланиш кучларидан анча ортиб кетади. Оқибатда полимерларни буғлантириб газ ҳолатига ўтказиб бўлмайди. Аммо иссиқлик таъсирида полимер молекулаларининг ҳаракатчанлиги ошади. Бунинг натижасида макромолекулалараро боғлар узилиши ва занжирлар тизими турли хил физик ҳолатларга, жумладан суюқ-фазовий агрегат ҳолатга ўтиши мумкин. Шуни айтиш жоизки, макромолекулалар ўзаро таъсирлашишининг иссиқликка боғлиқлигини ифодалайдиган иссиқлик ҳаракатчанлиги тушунчаси мавжуддир

Бунинг маъноси шуки, электрон атом ядро атрофида маълум орбитада катта тезлик билан доимий равишда айланма ҳаракатда бўлганлиги туфайли макромолекула ёки макромолекуляр тизимни бирор бир ҳолатда тинч турибди деб қараш шартлидир. Чунки, макромолекуланинг ичида бўладиган бундай ҳаракат унинг муҳитдаги умумий ҳолатига бевосита таъсир этади. Натижада макромолекула тартибсиз, яъни хаотик (микроброун) ҳаракати иссиқликка бевосита боғлиқ бўлади.