I. Полимерларнинг тузилиши ва хоссалари

Полимер	<h^2>^1^/^2 <h^2>о^1^/^2	Сегмент узунлиги, нм
Сегментнинг полимерланиш даражаси
Полиэтилен Полипропилен Полиизобутилен Поливинилхлорид Полистирол Полиакрилонитрил Полидиметилсилаксан Тринитроцеллюлоза Полиамид-66 Поли--бензамид Биополимерлар	2,3-2,4 2,4 2,2 2,8 2,2-2,4 2,6-3,2 1,4-1,6 4,2 2,1 - -	2,08 2,17 1,83 2,98 2,00 3,17 1,4 20,0 1,66 210,0 240,0	8,3 8,6 7,3 11,7 7,9 12,6 4,9 20,0 6,6 320,0 -

Полимер занжирининг эгилувчанлиги бир қатор омилларга боғлиқдир:

- макромолекулаларнинг кимёвий таркиби ва тузилиши. Энг эгилувчан макромолекулалар бу углеводородли полимерлар бўлиб, уларнинг энг юқори кўрсатгичлиси табиий каучукдир.
Полимерда қутбланган гуруҳларни бўлиши фаолланиш тўсиғининг кўтарилишига ва занжирнинг қаттиқлиги (бикрлигини) ошишига олиб келади. Бунга молекулалараро водород боғларининг ҳосил бўлиши ҳам сабаб бўлади. Бу турдаги макромолекулалар орасида энг кичик эгилувчанликка эга бўлгани биополимерлардир, чунки улар спираль конформациялар ҳосил қилади. Шунингдек, силоксанли полимерлар ҳам энг юқори эгилувчанликка эга, бунинг сабаби силоксан молекулаларида асосий занжирнинг боғларида айланишни таъминловчи кислороднинг мавжудлигидир;
- Полимернинг молекуляр массаси. Полимернинг молекуляр массаси ошганда звеноларнинг айланишининг фаолланиш тўсиғи ўзгармайди, аммо конформацион ўзгарувчанлик сони ва ўралганлик даражаси ошади, яъни занжир эгилувчанроқ бўлади;
- Ҳарорат. Ҳарорат ошганда звенолар айланишининг фаолланиш тўсиғи озгина ўзгаради, лекин сезиларли даражада иссиқлик ҳаракатининг кинетик энергияси ва жадаллиги ошади. Бунинг натижасида фаолланиш тўсиғини енгиб ўтиш эҳтимоллиги кучаяди ва занжирнинг эгилувчанлиги ошади;
- Полимернинг фазовий структураси. Полимерда уч ўлчамли фазовий тўр ҳосил бўлса, унинг эгилувчанлиги камаяди.
Кинетик эгилувчанлик полимернинг муҳим характеристикаларидан бири бўлиб, у сегментнинг кинетик узунлиги билан ифодаланади. Сегментнинг кинетик узунлиги деб занжирнинг минимал кесмасининг ташқи таъсир туфайли ўз шаклини ўзгартиришига айтилади. Кинетик сегментнинг узунлиги, термодинамик сегментникидан фарқли ўлароқ, доимий миқдор бўлмай у ташқи таъсир тезлигига боғлиқдир. Жуда секин тезликли ташқи таъсир пайтида кинетик сегмент узунлиги термодинамик сегмент узунлигига яқин бўлади. Агар ташқи таъсир юқори тезликка эга бўлса, макромолекула ўзини мутлоқ қаттиқ занжир каби намоён қилади, чунки ташқи кучлар таъсирга мослашиб улгурмайди.
Макромолекуланинг Кун модели ҳамма вақт ҳам қулай эмасдир, айниқса, бу ҳол қисқа занжирли, қаттиқ молекулалар учун қўлланилганда хатоликларга олиб келади. Шунингдек, полимернинг қаттиқлиги ва қисқалиги спирал конформациялар ва бошқа ички молекуляр боғлар ҳисобига омалга ошиши мумкин. Бундай ҳолларда макромолекуланинг эгилувчанлигини баҳолашда, унинг экспериментал равишда аниқланадиган персистент узунлиги (а) орқали сегмент миқдорлари топилади ва улар асосида ҳисоблашлар олиб борилади. Персистент узунликнинг нима эканлиги I.1.5-расмдаги ифодаланган.



I.1.5-расм. Персистент узунлик (а) ни аниқлаш чизмаси.

Персистент узунликни аниқлашда полимер занжирларининг чувалчангсимон (персистент) модели, яъни узлуксиз эгрилик модели қўлланилади. Персистент узунлик занжир учлари орасидаги масофанинг ўртача квадрати миқдори, яъни ²>^1/2 векторнинг биринчи звенонинг йўналиши бўйича олинган проекцияси билан аниқланади. Бу миқдор бевосита буралиш бурчаги косинусининг ўртача қиймати (L), яъни занжирнинг контур узунлиги (L) билан занжирнинг ажратилган қисми ўртасидаги бурчакга боғлиқдир.