I. Полимерларнинг тузилиши ва хоссалари

I.2. Конфигурация, конформация, эгилувчанлик ва қаттиқлик.


Конфигурация - бу атомларнинг молекуладаги аниқ тартибли фазовий жойлашишини ифодаловчи тавсифидир. Конфигурация иссиқлик ҳаракатлари туфайли ўзгармайди ва маълум барқарор макромолекуляр изомерларни намоён қилади.
Цис- ва транс-изомерлар занжирнинг қўш боғларига нисбатан ўринбосарларларни жойлашишини характерлайди.


a - c - b a - c - b
║ ║
a - c - b a - c – b
цис-измер транс-изомер

Полимерларда атомларнинг цис- ёки транс- изомерлар ҳолида жойлашиши қўш боғ тутган ҳар бир қайтарилувчи звено учун характерлидир. Бу макромолекулани бутун структурасига таъсир этади ва бир занжирнинг ўзи ҳам цис- ёки транс- изомерияларда бўлишига қараб турли хоссаларга эга бўлади. Масалан, табиий каучук ва гуттаперчалар кимёвий таркиби бўйича мутлоқ бир хил, аммо изомерияси ҳар хилдир.

Табиий каучук (цис-)

СН₃  0,816 нм  СН₃

 
-СН₂-СН₂-С=СН-СН₂-СН₂-ССН-СН₂-СН₂-
 
СН₃ СН₃

Гуттаперча (транс-)

СН₃ 0,48 нм СН₃

 
-СН₂-СН₂-ССН-СН₂-СН₂-С СН-СН₂-

Бу ерда кўриниб турибдики, қайтарилувчи мономер гуруҳи бир хил йўналишда ориентирланмаган. Цис-изомерияда мономердаги метил гуруҳи 0,816 нм дан сўнг, ва транс-изомерияда 0,48 нм дан кейин учраяпти. Шу туфайли, ҳар хил конфигурацияли занжир ҳар хил хоссага эгадир: гуттаперча - кристалл структурага эга бўлиб, 50-70 ^оС ларда суюқликка айланади; табиий каучук - эластомер бўлиб, паст температураларда ҳам ўз хоссасини сақлаб қолади.

Конфигурациянинг яна бир муҳим тури - оптик изомериялардир. Бу изомерия макромолекулада асимметрик углерод атоми мавжудлиги ҳисобига намоён бўлади.