I-modul. Kirish. Badiiy adabiyotning umumiy xususyatlari 1-mavzu: Adabiyotshunoslikning asosiy va qo‘shimcha tarkibiy qismlari (2 s)

7-mavzu: Adabiy asarda badiiylik masalasi
Reja:

1. 
   Badiiylik mezonlari.
   
2. 
   An’ana va yangilik.
   
3. 
   Mahorat va ta’sirdorlik.
   

Mavzu yuzasidan tayanch so`z va iboralar:
Iste’dod. Badiiylikning ikkinchi mezoni – xosiyat. Ta’sirdorlik. Psixologizm. Mahorat. An’ana va yangilik. Pafos.
Ma’ruza matni.

1. 
   Badiiylik mezonlari.
   

Badiiylik deb, asarlarni adabiyotning iste’dod ustuvorligi va spetsifikasi, an’ana va yangilik, mahorat ham ta’sirdorlikmuammolarini o`z ichiga olgan holda baholash usuliga aytiladi.
O`z R FA Alisher Navoiy nomidagi Til va adabiyot institutida adabiyotda badiiylik muammosi ishlab chiqildi. Bunga ko`ra badiiylik adabiy asarga baho berish mezon mezonlari to`g`risidagi ilmdir. Uni barcha kitobxonlar bilishi lozim.
Tekshirishda shu narsa ayon bo`ladiki, badiiylik mezonlari beshta: iste’dod, xosiyat, an’ana va yangilik, mahorat va ta’sirdorlik. Badiiy degan arabcha so`z ’’badda’’ yangilik yaratish degan ma’noni bildiradi. Haqiqatan badiiy asar milliy adabyiotdagina emas, balki jahon adabiyotida ham original, yangi hodisa bo’lishi shart. ’’Badiiylik san’at sohasiga doir ijodiy mehnat mahsuliga mansub bo`lgan ichki tuzilish xususiyatlarini aniqlovchi murakkab, uyg`un birlik (kompleks)dir.