I bob turkiy tillar tarixida arabizmlarning o‘rni va ahamiyati

Tadqiqotning maqsadi. Ushbu tadqiqotning maqsadi Abdulla Avloniyning
“Advakatlik osonmi?” asaridagi arabcha o‘zlashmalarni aniqlash va ularning leksik-semantik xususiyatlarini tahlil qilishdan iborat.
Tadqiqotning vazifalari. Tadqiqotning bosh vazifasi qilib Abdulla
Avloniyning “Advakatlik osonmi?” asaridagi arabcha so‘zlarni aniqlash masalasi belgilangan.
Shunga ko‘ra tadqiqot ishini yoritish davomida quyidagi vazifalar amalga oshirildi.
- Abdulla Avloniy asarlarining o‘rganilishi tarixi;
- Abdulla Avloniy “Advakatlik osonmi?” asaridagi arabcha so‘zlarning semantik
xususiyatlari;
- Abdulla Avloniy asarlaridagi arabcha so‘zlarning semantik o‘zgarishlari: ma’no kengayishi, ma’no torayishi va ma’no siljishi.
- Abdulla Avloniy asarlaridagi arabcha o‘zlashmalarning sinonimiya, omonimiya, antonimiya va frazeologizmlarga munosabati.
Bitiruv malakaviy ishining ob’ekti. Bitiruv malakaviy ishining ob’ekti sifatida Abdulla Avloniyning “Advakatlik osonmi?” tanlandi.
Bitiruv malakaviy ishining metodologik asoslari va metodlari. Ishda arabcha o‘zlashmalarga oid amalga oshirilgan tadqiqotlar metodologik asos bo‘lib xizmat qildi. Shuningdek, tavsiflash, qiyoslash, analiz va sintez kabi metodlar asosida
tahlillar olib borildi.
Bitiruv malakaviy ishining o‘rganilganlik darajasi. Abdulla Avloniyning “Advakatlik osonmi?” asarida qo‘llangan arabizmlarning leksik-semantuk xususiyatlari mavzusi aynan o‘rganilmagan. Lekin arabcha o‘zlashmalar masalasi D.Hasanova, B.Eshonqulov, T.Rahmonov, M.Tojiboyevalar tomonidan o‘rganilgan.
Bitiruv malakaviy ishining ilmiy yangiligi. Ishda o‘zbek tilining leksik qatlamida
mavjud bo‘lgan arabcha o‘zlashmalar to‘g‘risidagi qarashlar asosida Abdulla
Avloniyning “Advakatlik osonmi?” asaridagi arabcha o‘zlashmalar tadqiq qilindi. Bunda:
- asarlardagi arabcha so‘zlar ajratib olindi;
- arabcha o‘zlashmalarning tadqiq darajasi aniqlandi;
- asarlardagi arabcha so‘zlarning semantik xususiyatlari yoritildi;
- asardagi arabcha so‘zlarning statistik tahlili amalga oshirildi.