I bob. Turkiston general-gubernatorligi

Tadqiqotning maqsad va vazifalari. Tadqiqot ishining asosiy maqsadi XIX asrning ikkinchi yarmi – XX asr boshlarida Turkiston oʻlkasida tashkil etilgan Turkiston general-gubernatorligi kanselyariyasi tarixi va unda jamlangan rasmiy hujjatlarni kompleksi tarzda oʻrganishdan iborat. Ushbu maqsadni amalga oshirish uchun quyidagi vazifalar belgilab olindi:
– XIX asrning ikkinchi yarmida tashkil etilgan va XX asr boshlarigacha faoliyat yuritgan Turkiston general-gubernatorligikanselyariyasining tashkil topishi tarixini oʻrganish; – mavzu tarixshunosligini tahlil qilish;
– Turkiston general-gubernatorligi kanselyariyasida jamlangan Rossiya imperiyasining Turkistondagi mustamlakachilik siyosati tarixini yorituvchi tarixiy hujjatlarni oʻrganish;
– kanselyariyadan jamlangan rasmiy hujjatlarning oʻziga xosligini aniqlash va ularni tavsiflash;
– oʻrganilgan material va ilmiy adabiyotlar asosida Turkiston generalgubernatorligi kanselyariyasi tarixi va unda jamlangan rasmiy hujjatlar oʻziga xosligini chuqur tadqiq etish.
Tadqiqotning manbaviy asosi. Tadqiqotning manbaviy asosi sifatida Oʻzbekiston Respublikasi Markaziy Davlat arxividan joy olgan “Turkiston general-gubernatorligi kanselyariyasi” fondi hujjatlarini kiritish zarur. Bunda mavzuga oid yirik hajmdagi hujjatlar majmui mavjud boʻlib, ularni tadqiq etmasdan mavzuni yoritish mumkin emas. Mazkur arxivning I-1 fondida Turkiston general-gubernatorligi kanselyariyasining tashkil topishi tarixi, rus maʼmuriyatining Turkistonda olib borgan siyosiy, ijtimoiy-iqtisodiy, madaniy va maʼnaviy siyosatini aks ettiruvchi hujjatlar jamlangan. Bundan oʻzbek xalqi tarixini xolisona va haqqoniy yoritishda xizmat qiluvchi hujjatlar, xususan, rus maʼmuriyati va tadqiqotchilarining hisobotlari, oʻlkani boshqarish va unda olib borilgan siyosiy, ijtimoiy-iqtisodiy, madaniy sohalarda amalga oshirgan islohotlariga oid rasmiy hujjatlar, mahalliy aholining Rossiya imperiyasining Turkistondagi vakillariga turli masalalardagi murajaatlari va boshqa hujjatlarning asl nusxalari jamlanganligi bilan ahamiyatlidir⁴