I bob. O’zbek va ingliz tillarida konchilik va metallurgiya terminalogiyasining nazariy asoslari

o‘zak yoki negiz+so‘z yasovchi+shakl yasovchi+so‘z o‘zgartuvchi 
shaklida bo‘ladi. Masalan: qazil+ma+lar+ning, kumushsizlan-tir+di+k. O‘zakka so‘z yasovchi qo‘shimcha qo‘shilishi bilan negiz hosil bo‘ladi. Masalan: gaz+siz, tartib+li, qutb-lan (moq) kabilar negizdir. Agar so‘z tarkibida birdan ortiq so‘z yasovchi qo‘shimcha ishtirok etsa, u holda negizning chegarasi oxirgi so‘z yasovchi qo‘shimcha bilan belgilanadi.
Masalan: muvozanat-siz-lik yasalmasida muvozanatsizlik negizdir. Demak, odatdagi tartibga ko‘ra shakl yasovchi va so‘z o‘zgartuvchi qo‘shimchalar so‘zning o‘zak qismiga (muvozanat +ni) yoki negiziga (muvozanat + siz +roq // muvozanat + siz+lig+i+ni) qo‘shilishi mumkin. Ba’zan, affiks morfemalarning odatdagi tartibida o‘zgarishlar yuz berishi ham mumkin. Bunday o‘zgarishlar ko‘pincha uslubiy talablar yoki sheva ta’sirida yuzaga keladi: aka+m+lar - aka+lar+i+im, ko‘r+di+ng+lar - ko‘r+di+lar+ing. Ayrim hollarda yasovchi qo‘shimcha shakl yasovchi va so‘z o‘zgartuvchidan keyin qo‘shilib yangi ma’noli so‘z hosil qilishi mumkin: uka+lar+im+cha (bo‘lolmaysan), parcha-la-n-uvchi kabi. Bunday holat affiks shaklidagi yuklamalar va qo‘shimchalarning o‘zakka qo‘shilishida ham kuzatiladi. Masalan, yer+m+gina so‘zida –gina urg‘usiz bo‘lib, ajratish ma’nosini anglatadi, mazkur yuklama bilan shakldosh bo‘lgan otlardagi erkalash qo‘shimchasi –gina esa o‘zakka odatdagi tartibda qo‘shiladi: yer+gina+m. Qo‘shimcha shaklidagi yuklamalar, odatda, barcha turdagi affiks morfemalardan keyin qo‘shiladi: kon+mi, kon +dan-chi, kon +lar+da+gina, yo’lak+cha+lar+dan+a kabi. Biroq, -mi yuklamasi fe’llarga qo‘shilganda odatdagi tartib o‘zgarishi mumkin: chekla+gan+di+ng+mi// chekla +gan+mi+di+ng.
Yuqoridagi ma’lumotlardan shuni isbotlaydiki, negativ affikslar so’z yasovchilar orasida sifat va ravish so’z turkumlarida uchraydi. Ular quyidagilar:
be- beqaror, benuqson, bemaza(sifat), behisob, beomon(ravish)