I bob. Boshlang'ich maktab o'quvchilarining ijodiy qobiliyatlarini rivojlantirish muammosining nazariy asoslari

Amaliy qobiliyatlarning rivojlanishi
Amaliy faoliyatli qobiliyatlar inson hayotida katta ahamiyatga Ular orasida tashkilotchilik asosiy rol o`ynaydi. Ularni ilk bolalik davrining so’ngida kuzatishimiz mumkin. Tashkilotchilik qobiliyatining paydo bo`lishi muloqotchanlik va guruhdagi faoliyatning rivojlanishi bilan uzviy bog’liq. Konstruktiv amaliy qobiliyatlar bog`cha yosh davrida yaxshi rivojlanadi.
Ko’pincha bolalar tomonidan ushbu tipdagi konstruktorlash jarayonida yaratilgan qurilmalar o’zlarining faoliyatlarida foydalanish uchun qo'l keladi (qurilgan kema sayohatga jo`naydi, uychalariga nafaqat qo’girchoq sig’adi, balki o`zlari ham joylashadilar).
Qurilmalarni yaratish uchun maxsus qurilish vositalaridan ham foydalaniladi (masalan, taxtachalar, yog`och, faner va kartondan yasalgan qutilar va h z.). Ushbu konstruktorlash tipi nafaqat bog`cha bolasining konstruktorlash qobiliyatini, balki muloqotning zarur malakalari, axloqiy sifatlarning faol shakllanishini ta’minlaydi. Bolalar o`zaro rejalashtirilgan harakatlari jarayonida maslahatlashish, tashabbus ko`rsatish, o`z takliflarini inobatga oldirish, yonbosish, bir-biriga yordam berish, umumiy yutuqdan zavqlanishni o`rganadilar.
Ijodiy konstruktorlash ayniqsa, bog’cha yosh davrining oxiriga borib yorqin namoyon bo’ladi, ulardan o`z faoliyatini mustaqil rejalashtirish, ijodkorlikka moyillik kabilarni kuzatishimiz mumkin.