I bob birikmalar. Ajralmaydigan birikmalar

Kur ishining ob’yekti: Oliy ta’lim tizimida “Tasviriy san’at va muhandislik grafikasi” bakalavriyat ta’lim yo‘nalishi talabalariga grafikaviy ta’lim berish jarayoni.
Kur ishining predmeti: Bo‘lajak chizmachilik o‘qituvchilarini tayyorlash bo‘yicha tahsil olayotgan talabalarning muhandislik grafikasi ilmini egallash jarayonidagi ta’lim mazmuni va texnologiyasi.
Kur ishining tuzilishi va tarkibi: Kurs ishi kirish, ikki bob, besh paragraf, xulosa va foydalanilgan adabiyotlar ro‘yxatidan iborat bo‘lib jami 28 sahifani tashkil etadi.


I BOB BIRIKMALAR. AJRALMAYDIGAN BIRIKMALAR.
1.1 PARCHIN MIXLI BIRIKMALAR VA ULARNI HISOBLASH. PAYVAND BIRIKMALAR.
Mashinalarning asosini detallar va ularning birikmalari tashkil etadi. Birikmalar o’z navbatida ajralmas va ajraluvchan bo’ladi. Detallar o’zaro birikib uzellarni, uzellar esa mashinani tashkil etadilar.
Agarda detallarning o’zaro birikmasini qismlarga ajratish uchun ularni sindirish shart bo’lsa unda bunday birikmalarga ajralmas birikmalar deyiladi va aks xolda ajraluvchan birikma deyiladi.
Umuman mashinasozlikda qanday birikmadan foydalanish mashinaning ishlash sharoitidan kelib chiqadi. Mashinalarda detallarni texnik qarovda almashtirish ko’zda tutilgan bo’lsa, u xolda ajraluvchan birikmalardan foydalaniladi (masalan: podshipniklar, vtulkalar va x.k larning korpuslari).
Agarda mashinalarda detallarni almashtirish ko’zda tutilmasa ularni ajralmas birikmalar orqali biriktirish maqsadga muvofiqdir (masalan: mashinaning tanasi, samolyotning qanotlari va x.k lar).
Ajraladigan birikmalarning ajralmas birikmaga nisbatan afzalligi shundaki, ular vositasida mashinani zarur vaqtda bo’laklarga ajartib, zarur vaqtda yana qayta yig’ish mumkin.