I adabiyotlar sharhi

3.4. Olingan natijalar tahlili

Amaliy ishlar natijasida oziq-ovqat mahsulotlari kimyoviy tarkibi va shu qatorida,oziq-ovqat mahsulotlariga qo’shilishi taqiqlangan konservatlarni aniqlashda oldingi qilingan tajribalarni o’rganib chiqishga harakat qildik. Shular ichida eng keng tarqalgan oziq-ovqat mahsulot turi sut mahsulotini tanladik. Buning sababi sutga bo’lgan ehtiyoj barcha yoshdagi insonlarda borligi, ayniqsa kichkina yoshdagi bolalarda qo’shimcha ovqat sifatida talab kattaligi bo’ldi. Sut tarkibiga qo’shilishi mumkin bo’lmagan kraxmal va vodorod peroksidini aniqlash usullarini to’liq ko’rib o’rganib bajarib chiqdik. Ulardan nazariy jihatdan chiqishi kerak bo’lgan natijalarni oldik. Amaliy qismida qulay kimyoviy usulda solishtirib ko’rdik. Natijada sutdagi kraxmalni aniqlashda yodning glitserinli eritmasi(lyugol)ga nisbatan,biz taklif qilgan yodning spirtdagi eritmasida tekshirilganda kraxmal miqdori oz bo’lsa ham ko’k rangning yorqin bo’lishini kuzatdik. Keyingi tajribada vodorod peroksidni aniqlashda fizik,fizik-kimyoviy usullardan tashqari kimyoviy usulda ko’rib chiqdik. Bunda kaliy yodidning 10% li eritmasidan foydalandik. Yodning cho’kmaga tushishidan vodorod peroksidi borligini bilib oldik. Bu qilingan ishlar natijasida oziq-ovqat mahsulotlari sifat nazoratida qulay va tejamli kimyiviy usullar taklif qilishga harakar qildik. Bu amaliyotlarni uy sharoitida ham tekshirish imkoniyatini berishi turli sutlar tarkibidagi ortiqcha kimyoviy moddalarning organizmga salbiy ta’sirini oz bo’lsada kamaytirishga imkon yaratadi.

XULOSALAR

Mavzuga oid materiallar, ilmiy adabiyotlar, internet ma’lumotlari toʻplandi, oʻrganildi va tahlil qilindi. Ishni bajarish davomida quyidagi xulosaga kelindi:

1.Adabiyotlar tahlili natijasida oziq-ovqat mahsulotlari, uning turlari va kimyoviy tarkibi oʻrganildi.
2. Oziq-ovqat tarkibidagi yogʻ,konservatlar va ogʻir metallar miqdorlari aniqlash metodlari oʻrganildi.
3.Sut tarkibidagi taqiqlangan konservatlarni tahlil qilish va aniqlash metodlaridan kimyoviy analiz usullari aniqligi, amalda bajarilish qulayligi jihatdan boshqa metodlardan afzalligi koʻrsatib oʻtildi.
4.Ushbu bitiruv malakaviy ish materiallaridan tayyorlash jarayonida barcha amalga oshirilgan ishlarni tibbiyot va oziq-ovqat ishlab chiqarish sanoati laboratoriyalari va boshqa analiz jarayonlarida foydalanish mumkin.