I adabiyotlar sharhi

Mahsulotni saqlash joyida tekshirish bosqichi: mahsulotni saqlash tartibi va sharoiti, uning hajmini taqdim etilgan xujjatlarda berilgan ma’lumotlar bilan solishtirib tekshirishga katta e’tibor berish kerak. Taralarning holati, tamg’alar va ogoxlantiruvchi yozuvlarga e’tibor beriladi. Xujjatlar va taralarda aniqlangan nuqsonlar, aloxida belgilar tekshirish dalolatnomasiga yoziladi. [26]
Qadoqlangan mahsulotlarni ochish bosqichi: agar mahsulotlar bir nechta qadoqlardan iborat bo’lsa, ularni hammasi bir vaqtda ochiladi. Agar tekshirish maqsadi qilib DavST yoki TSH larga taqqoslash qo’yilgan bo’lsa, DavST yoki TSH larda keltirilgan mahsulot miqdori olinadi. Agar bu maqsadlar qo’yilmagan bo’lsa, mahsulotlarning sanitar-gigienik tekshirishdan aniq vazifalari va mahsulotlarning miqdoriga qarab umumiy hajmidan 10%i va undan ko’’rog’i olinishi mumkin. Agar sanitar shifokor tomonidan mahsulotlarning sifatiga shubxa tug’ilsa, mahsulotni tuproq bilan zararlanish, texnologik jarayonning buzilishi, zararkunandalar bor yo’qligini aniqlash va sifatiga baxo berish uchun organole’tik tekshirish o’tkaziladi. [27]