I adabiyotlar sharhi

2.2. Oziq-ovqat mahsulotlaridan laborator tekshirish
uchun na’munalar olish

Oziq-ovqat mahsulotlaridan na’muna olishda har bir mahsulot uchun ”Oziq-ovqat mahsulotlari, ichimliklar va rang beruvchilarini laboratoriyada tekshirish uchun na’muna olish” DavSTga amal qilinadi. Har bir na’muna maxsus idishga sanitar shifokori tomonidan qadoqlanadi, tamg’alanadi va muxrlanadi. Olingan na’munalarga asosan dalolatnoma tuziladi, shu bilan birga korxonaning sanitariya jurnaliga mahsulotdan na’muna olganligi haqida yozadi. Na’muna olinganligi haqidagi dalolatnoma ikki nusxada to’ldiriladi, bittasi laboratoriyaga yuboriladi, ikkinchisi korxonadagi ma’sul shaxsga qoldiriladi. Olingan na’munalarni korxona mahmuriyati javobgarligi ostida qisqa vaqt ichida laboratoriyaga yetkazish lozim. Mahsulot na’munasining olingan vaqti ilova qilingan xujjatda yoziladi, laboratoriyada bu vaqt ro’yxatga olish jurnali va tekshirish natijasi yoziladigan xujjatlarga qayd etiladi. Na’muna olish dalolatnomasida tekshirishning maqsadi va sababi ko’rsatiladi. Na’muna olish dalolatnomasi oxirida mahsulot tarqatishga ruxsat berilmasligi, laboratoriya natijalarini olgunga qadar saqlash sharoiti uning tarkibini o’zgartirishga qo’l qo’ymaydigan sharoitda saqlash lozimligi haqida korxona mahmuriyati ogoxlantirilganligi (mahsul xodim ismi sharifi) yoziladi. Rejali sanitar tekshirishda na’muna olish dalolatnomasida ushbu ma’lumotlar berilishi shart emas va boshqa holatlarda sanitar shifokorning qaroriga qarab xal qilinadi. [26,27]