I adabiyotlar sharhi

Sigir sutidan tayyorlanadigan qimiz. Biya sutidan tayyorlanadigan qimizning shifobaxshlik xossalari yuqori bo‘lishiga qaramay uni sanoatda ishlab chiqarish uncha yo‘lga qo‘yilmagan. Bu mahsulot asosan Kustar usulda ishlab chiqariladi. Uni ishlab chiqarish tabiatan mavsumiy, shuning uchun qimiz ishlab chikarishda sigir sutidan foydalanish zarurati tug‘ildi. Biroq sigir suti tarkibidagi kazein birmuncha ko‘p va zardob oqsillari kamroq, sut qandi esa 1,5 baravar kam, C-vitamini ham ancha kam bo‘lishi bilan biya sutidan ajralib turadi. Mikro va makroelementlar miqdorida ham tafovutlar bor.