I adabiyotlar sharhi

Sutli konservalar. Sutni konservalashda qo‘llaniladigan usulga qarab sut konservalari quyuqlashtirilgan steril konservalar, quyuqlashtirilgan qandli va quruq konservalarga bo‘linadi. Har qanday sut konservalarini ishlab chiqarishda albatta sutdan suvni chiqarib tashlash va quruq moddani konsentrlash talab etiladi.
Quyuqlashtirilgan sutga quyuqlashtirilgan va sterilizatsiya qilingan sut, quyuqlashtirilgan sutli kakao, kofe kiradi. Sterilizatsiya qilingan sut tarkibidagi laktoza yuqori harorat ta’sirida o‘zgaradi. Bu o‘z natijasida melanoid birikmalar hosil bo‘ladi va sut qo‘ng‘ir rangga kiradi. Quyuqlashtirilgan qandli sut o‘z tarkibida 26,5% dan oshmagan namlik, 43,5 % dan kam bo‘lmagan qand, 85 % yog‘, 28,5 % quruq modda tutadi. Kislotaliligi 40 °T dan ko‘p bo‘lmasligi kerak.
Quyuqlashtirilgan va sterillangan sut bilan bir qatorda quruq sut ham ishlab chiqariladi. Sut quritish moslamalarida qaynoq havo oqimi kirib turadigan kameralarda quritiladi. Quritishdan oldin sut quyuqlashtiriladi. Qaymoq havo quritish minorasiga kiritiladi. Shu vaqtda minutiga taxminan 7 ming marta aylanib turadigan diskka sut beriladi. Markazdan qochirma apparat nihoyatda katta ko‘ch ostida diskning unchalik katta bo‘lmagan teshikchalaridan otilib chiqadi va uyurmasimon havo oqimiga duch kelib mayda-mayda zarrachalarga tuzib ketadi. Minoraning poli sut zarrachalari bilan qoplanib boradi. Kurakchalar ularni shnekka yig‘ib beradi, so‘ngra ular mexanik elakka o‘tib, kesakchalardan elanib olinadi. Harorat (minus 5-7°C) bo‘ladi.[6]