I. A. Karimov O‘zbekiston Respublikasining tashqi siyosatida Xitoy Xalq Respublikasi bilan bo‘lgan aloqalar alohida e'tiborga sazovordir. O‘zbekiston Respublikasi Prezidenti I. A. Karimov tomonidan bu xususda quyidag

Fe’l-kesim. Fe’l bilan ifodalanib, eganing harakatini, holatini anglatadigan kesim fe’l-kesim deyiladi. Kesim vazifasida qo‘llangan fe’lning semantikasiga ko‘ra harakat bildiruvchi fe’l-kesim va holat bildiruvchi fe’l kesim turlari ajratilishi mumkin.
Harakat bildiruvchi fe’l-kesim predmetning fizik harakatini anglatadi. Bu harakat har uch zamonning birida sodir bo‘ladi:
Opa-singillar yugurib hovliga kirishdi.
Sport mavsumi boshlandi...quvnoq, epchil, baquvvat yigit va qizlarimiz navbatdagi musobaqaga tayyorlanishmoqda.
Holat bildiradigan fe’l-kesim eganing har hil psixologik holatini ifodalaydi. Masalan:Nazarida butun borliq mudraydi.
Bu gal Saida hayajonlanmadi.
Fe’l-kesim fe’lning quyidagi formalari bilan ifodalanadi:

1. 
   Sof fe’l bilan:
   

Bu sho‘x qiz minbar osha o‘z sarguzashtlarini so‘ylaydi.
Saida majlisga tayyorgarlik yuzasidan bir necha talaba bilan suhbatlashdi.

2. 
   ravishdosh bilan:
   

Shayton aravada chopmay o‘lgur, bu yerga qachon kelib yotib eding?-Huftondanoq shu yerga kelib kirib yotib edim.

3. 
   Sifatdosh bilan;
   

Ular berilgan vazifani ortig‘i bilan bajargan.
Kesim tuzilishi jihatdan sodda, tarkibli va murakkab bo‘ladi.
Sodda kesim ifodalanishiga ko‘ra sodda ot-kesim, sodda fe’l-kesim turlarga bo‘linadi. Sodda ot-kesim predmetning doimiy belgisini hozirgi zamon nuqtai nazaridan ko‘rsatish uchun hizmat qiladi. Sodda ot-kesimli gaplar ko‘proq tasviriy harakterda bo‘ladi. Eganing belgisi hozirgi zamonda mavjudligini ifodalaydi; uning kasbi, mashg‘uloti, unvoni, jinsi, miqdori, sifati kabilarni ko‘rsatadi.
Sodda ot-kesim quyidagi so‘z turkumlari bilan ifodalanadi:

1. 
   Ot bilan:
   

Paxta-qudrat, paxta-ziynat, paxta-chiroy.
She’rning onasi-til.

2. 
   Sifat bilan:
   

Hozircha yaslining binosi eski.
Holangiz o‘rgilsin, munchayam bilimdonsiz.

3. 
   Son bilan:
   

Bolalarning hammasi o‘ttizta.
Sizning buvangiz ham saksonda.

4. 
   Olmosh bilan:
   

O‘zim har joydaman, ko‘nglim sendadir.
Navbatdagi imtihondan o‘tib olsak, marra bizniki.

5. 
   Ravish bilan:
   

Bu yil dalada hosil mo‘l.
Bilib qo‘yinglar, ish ko‘p, vaqt oz.

6. 
   Harakat nomi bilan:
   

Hammadan og‘ir narsa-sog‘inish.
Bizning maqsadimiz yahshi o‘qimoq.

7. 
   Bor, yo‘q so‘zlari ham kesim vazifasida kelib, ega orqali ifodalangan predmetni,undagi biror belgini tasdiq yoki inkor etish yo‘li bilan ko‘rsatadi.
   

Masalan:Durust, durust,-dedi rahbar,-ishimizda siljish bor.
Qurilish uchun yetarli hom-ashyo yo‘q.
Sodda fe’l-kesim bir leksik ma’noli fe’l bilan ifodalanadi. Bu vazifada asosan sof fe’l qo‘llaniladi. Bunday kesim eganing aktiv belgisini ifodalaydi va shaxs-son, zamon, mayl, daraja, modallik kabi hilma-hil grammatik ma’nolarni anglatadi: Meni kutgil va men qaytarman.