I. A. Karimov O‘zbekiston Respublikasining tashqi siyosatida Xitoy Xalq Respublikasi bilan bo‘lgan aloqalar alohida e'tiborga sazovordir. O‘zbekiston Respublikasi Prezidenti I. A. Karimov tomonidan bu xususda quyidag

Ot-kesim. Fe’ldan boshqa so‘zlar bilan ifodalangan kesim ot-kesimdeyiladi. Ot-kesim eganing sifati, miqdori, jinsi, hususiyati kabi passiv belgilarni ifodalaydi. Ot-kesim kim? nima? Qanday? Qancha? Nechta? kabi so‘roqlarga javob bo‘ladi.
Ot-kesim, asosan quyidagi so‘z turkumlari bilan ifodalanadi:

1. 
   Ot bilan:
   

1. 
   bosh kelishikdagi atoqli ot bilan:
   

Kelayotganlarning biri-Qurbon ota, ikkinchisi-Ibrohimov.
Universitetimiz rektori-Ismailov.

2. 
   bosh kelishikdagi turdosh ot bilan:
   

Bizning hotinlarga hayo-fazilat, vafo-hunaridir, mehnat-odati.
Bunday kesimlar ba’zan huddi, kabi go‘yo yordamchilari bilan birga keladi.

3. 
   vositali kelishikdagi ot bilan:
   

Nargizning kiyimi ham, sirg‘alari ham guldan.
Aql yoshda emas, boshda.
Vositali kelishiklardagi ot-kesimlarning ko‘plik, egalik, predikativlik affikslari yoki bog‘lama bilan shakllanaolishlari ularning ot-kesim ekanliklarini
yaqqol ko‘rsatadi³⁰:
Yoshlar bizning kelajagimiz.
Men sharqdanman, sharqlik shoirman.

2. 
   Sifat bilan: bunday kesimlar eganing doimiy, passiv belgisini anglatadi.
   

Dalillar aniq va kuchli.
O‘zbek xalqining ko‘ngli paxtaday oq, mehri quyoshday issiq.

3. 
   Son bilan: bunda kesim eganing miqdoriy belgisini anglatadi:
   

Ilmli kishilarning umri-ikkita.
Berishda sanog‘i-to‘qqiz, olishda sanog‘i-o‘ttiz.

4. 
   Olmosh bilan:
   

Xo‘sh, sizning mavzuingiz nima bo‘ladi?
Bo‘lmasa tezlashtir, dadangning raylari-shu.

5. 
   Ravish bilan:
   

Muncha achchig‘ing tez.
Ularning kiyimlari ham xitoycha, raqslari ham xitoycha.

6. 
   Taqlidiy so‘z bilan:
   

Tarvuzlar ham soy toshidek g‘uj-g‘uj.
Hammayoq taqir-tuqur, qasir-qusur.

7. 
   Infinitiv va harakat nomi bilan:
   

O‘z vatanini sevmoq-bu vatanda insoniyat g‘oyalarini amalga oshirilishini istamoq va qo‘ldan kelgancha bunga yordamlashmoqdir.