Hususiy kapital hisobi va auditi

Obligatsiya - saqlovchining obligatsiya nominal qiymatini yoki boshqa mulkiy ekvivalentini obligatsiyani chiqargan shaxsdan obligatsiyada nazarda tutilgan muddatda obligatsiyaning nominal qiymatidan belgilangan foiz bilan olishga bo’lgan huquqini tasdiqlovchi qimmatli qog’oz.
Korporativ obligatsiyalar bu aksiyadorlik jamiyatlari tomonidan chiqariladigan obligatsiyalar bo’lib hisoblanadi. Korporativ obligatsiyalarni aksiyadorlik jamiyatlari:

• 
  auditorlik tashkilotining xulosasi bilan tasdiqlangan o’z kapitalining obligatsiyalar chiqarish to’g’risida qaror qabul qilingan sanadagi miqdori doirasida;
  
• 
  keyingi uch yil mobaynida rentabellik, to’lovga qobiliyatlilik, moliyaviy barqarorlik va likvidlikning auditorlik tashkiloti xulosalari bilan tasdiqlangan ijobiy ko’rsatkichlariga ega bo’lsa, shuningdek qonun hujjatlarida belgilangan tartibda mustaqil reyting bahosini olgan bo’lsa;
  
• 
  investorlarga tegishli mablag’larning emitentlar tomonidan to’lanishi bo’yicha to’lov agentlari vazifasini bajaruvchi tijorat banklari ishtirokida chiqarishi mumkin.
  

Korporativ obligatsiyalar ularning egalariga ochiq aksiyadorlik jamiyatini boshqarishda ishtirok etish huquqini bermaydi.
Obligatsiyalar naqd va naqdsiz shaklda chiqarilishi mumkin. Naqdsiz shakldagi obligatsiyalar muomalaga depozitariyning hisobga olish registrlaridagi yozuvlar tarzida, naqd shaklida - qog’oz sertifikat shaklida chiqariladi.
Boshqa emissiyaviy qimmatli qog’ozlar bo’lib emitentning optsioni va qimmatli qog’ozlarga doir fyuchers hisoblanadi. Emitentning optsioni - emitentning muayyan miqdordagi qimmatli qog’ozlarini optsionda ko’rsatilgan muddatda qat’iy belgilangan narxda sotib olish huquqini tasdiqlovchi emissiyaviy qimmatli qog’oz.
Qimmatli qog’ozlarga doir fyuchers deb o’zida nazarda tutilgan muddatda muayyan miqdordagi qimmatli qog’ozlarni qat’iy belgilangan narxda sotib olish yoki sotish majburiyatini tasdiqlovchi emissiyaviy qimmatli qog’oz tan olinadi.

•