Хуш келибсиз

Визуализацияни қандай бажарган маъқул
Визуализацияни иложи борича ҳоли жойда, яъни сизга хеч ким 
халақит қилмайдиган, эътиборингизни бузмайдиган жойда 
бажаришингиз керак. Идеал ҳолат табият қўйнида. Нега деганингизда 
табиатнинг сизни ҳотиржам қилиш, бўшаштириш, ичингиздаги танг 
ҳолатни йўқ қилиш хусусиятлари бор. Табиат инсонни энг зўр 
илхомлантирувчи ягона шароит. Шунинг учун бўлса керак, рассомлар, 
шоир ва ёзувчилар, ҳамда бошқа ижодкор инсонлар айнан шундай 
жойни танлайдилар. Визуализацияни қайси пайт бажарган яхши?
Танамизнинг хар бир қисми турлича вибрациялар чиқаради, яъни 
тебранади. Миямиз ҳам кун давомида турли ҳолатларга киради, яъни 
бу ҳолатлар тебраниш тўлқинлари билан ўлчаниб, Бета, Альфа, Тета, 
Дельта ҳолатлар дейилади. Ушбу мия ҳолатларини билиш бизнинг онг
остимизга қайси ҳолатларда кўпроқ таъсир қилишимиз мумкинлиги 
имкониятини беради.

---

Бета (12-30 Hz): Бета тўлқинлари бизнинг уйғоқ ва тетик вақтимиз 
билан алоқали бўлиб, бу ҳолатда миямиз оддий хар кунги 
вазифаларни бажараятганимизда бўлади. Энг юқори даражадаги бета
ҳолат кўпинча стресс, ҳавотир ва безовталикни олиб келади. 
Кўпчилигимизнинг кун давомида бундай ҳолатда кўп вақт юришимиз, 
шубхасиз бизнинг долзарб дунёвий муаммомиз бўлган асаб бузулиш 
хасталикларига сабаб бўлиб келмоқда. Бета ҳолатининг овози 
ичимизда бўлган танқидчимизнинг тинмай қилган вайсаши.
Алфа (7.5-12Hz): Алфа мия тўлқинлари чуқур ҳотиржамлик, кўпинча 
кўз юмулган ҳолда, кундузги орзу қилиш пайтида мавжуд бўлади. Тинч
онглилик ҳолати - бу алфа ҳолатининг хусусияти хисобланади ва 
онгингизни муваффақиятга дастурлаш учун оптимал ҳолат. Алфа 
сизнинг тасаввурингизни, визуализацияни, билим олишни ва 
эътиборингизни оширади. Бу сизнинг онглиликда бўлишингиз асосида 
зехнингизга кириш эшиги хисобланади. Алфа овози сизнинг 
интуициянгиздир. 
Тета (4-7.5Hz): Тета мия тўлқинлари чуқур медитация, енгил уйқу 
пайтида мавжуд бўлади. Тета - бу онг остингизнинг макони. Бу ҳолатга
кўпинча уйқуга кетятган ва уйқудан туарятган пайтларда тушамиз. 

---

Олам билан чуқур рухий алоқа ва бирлик хисси шу ҳолатда бўлади. 
Жонли тасаввурлар, ажойиб илхом, чуқур ижодкорлик, онгингизнинг 
энг туб дастурлари Тетада. Тета овози сукунат.