Huquqshunoslik

Muayyan huquqdan mahrum etish muayyan lavo- zimni egallash yoki muayyan faoliyat bilan shug‘ulla- nishdan mahrum qilishni bildiradi.

JKning 46-moddasiga binoan axloq tuzatish ishlari shaxs ish haqining o‘n foizidan o‘ttiz foizigacha miq- dorini davlat daromadi hisobiga ushlab qolgan holda uni mehnatga majburan jalb qilishdan iborat bo‘lib, jazo sudning hukmiga muvofiq mahkumning o‘z ish joyi yoki mazkur jazo ijrosini nazorat qiluvchi organlar belgi- lab beradigan boshqa joylarda o‘taladi.

Axloq tuzatish ishlari pensiya yoshiga yetganlarga, mehnatga qobiliyatsizlarga, homilador ayollarga, yosh bolasini boqish uchun ta’tilda bo‘lgan ayollarga va har- biy xizmatchilarga nisbatan qo‘llanilmaydi.

Xizmat bo‘yicha cheklash faqat harbiy xizmatchilarga nisbatan qo‘llanib, ayni paytda mazkur jazo bo‘yicha javobgarlikka tortiladiganlarning ro‘yxati ham cheklan- gan.

Qamoq — shaxsni batamom ajratgan sharoit ostida saqlashdan iborat bo‘lib, bir oydan olti oygacha muddat- ga belgilanadi.