Хudoynazarova sayyora ravshanovnaning “Boshlang’ich sinf o’quvchilarining jismoniy sifatlarini tarbiyalashning nazariy va amaliy asoslari”

9-jadval
5-6 sinf o‘quvchilaridan iborat nazorat (n) va tajriba (t) guruhlarida sakrovchanlik sifatini pedagogik tadqiqot natijasida o‘zgarishi

Me’yoriy mashq	Tajriba boshida		Tajribadan so‘ng
	N	T	N	T
Joydan turib Vertikal sakrash	33,4 2,2	32,8 2,6	35,2 2,3	39,3 3,2
Joydan turib Uzunlikka sakrash	170,4 3,3	171 3,6	175,2 3,2	181,2 2,8

Pedagogik tadqiqot muddati tugaganidan so‘ng olingan natijalar shuni e’tirof etish imkonini beradiki. Tajriba guruhida qayd etilgan ko‘rsatkichlar nazorat guruhidagi o‘quvchilarnikidan talaygina farq qildi. Jumladan, agar nazorat guruhida tadqiqot boshlanishidan avval joydan turib vertikal sakrash 33,4 sm ga teng bo‘lsa, tadqiqot muddati yakunlanganidan so‘ng bu ko‘rsatkich 35,2 sm gacha ortdi xolos.

(Farq 1,8 sm). Joydan turib uzunlikka sakrash 170,4 sm dan 175,2 sm gacha oshdi (farq 4,8 sm).
Pedagogik tadqiqot davomida sakrovchanlik va maxsus tezkorlik sifatlarini rivojlantirishga qaratilgan harakatli o‘yinlar va aylanma tezlanish mashqlari bilan shug‘ullangan tajriba guruhidagi o‘quvchilarda qayd etilgan ko‘rsatkichlar samarali o‘sganligi kuzatildi. Chunonchi, pedagogik tadqiqotdan avval tajriba guruhida joydan turib vertikal sakrash 32,8 sm ni tashkil etgan bo‘lsa, tadqiqot yakunida ushbu ko‘rsatkich 39,3 sm gacha o‘sganligi kuzatildi (farq 6,5 sm). Joydan turib uzunlikka sakrash 170,4 sm dan 181,2 sm ga ortdi (farq 10,8 sm). Binobarin, pedagogik tadqiqot davomida qo‘llanilgan harakatli o‘yinlar va aylanma tezlanish mashqlari (noan’anaviy mashqlar) sakrovchanlik sifatini rivojlantirish borasida o‘ta samarali ekanligini isbotlab berdi.
Alohida shuni ta’kidlash lozimki, tajriba guruhida shug‘ullangan o‘quvchilarda nafaqat o‘rganilayotgan sifat tez sur’at bilan rivojlandi, balki shu o‘quvchilarda faollik va qiziqish alomatlari yaqqol ko‘zga tashlandi, voleybol elementlarini o‘zlashtirish ancha samarali kechayotgani kuzatildi.
Tezkorlik sifati ham tajriba guruhida aynan xuddi shunday dinamika asosida rivojlanganligi qayd etildi.