Hozirgi o’zbek

Отларда сон
Отларнинг бирлик ва кўплик шаклларида ишлатилиши сон категорияси дейилади.
Отларнинг кўплиги –лар қўшимчаси билан ифодаланади: болалар, уйлар. Отнинг бирлигини кўрсатувчи махсус қўшимча йўқ: бола, уй.
Кўпликнинг –лар қўшимчаси билан ифодаланиши морфологик кўпликдир.
Халқ, омма, армия типидаги сўзлар шаклан бирликда, маъно жиҳатидан эса кўпликдир. Кўпликнинг бундай ифодаланиши семантик кўпликдир. Шунингдек, жуда кўп одам, юз китоб, бир неча кун кабиларда ҳам кўплик ифодаланади. Бу синтактик кўпликдир. Тўда-тўда, минг-минг, сават-сават каби сўзларни такрорлаш орқали лексик-синтактик кўплик ҳосил бўлади.
Кўплик қўшимчаси –лар ҳамма вақт ҳам кўпликни ифодалай олмайди. –лар кўпликдан ташқари қуйидаги маъноларни ҳам билдиради.

1. 
   Доналаб саналмайдиган предмет номига қўшилганда уларнинг навини, хилини билдиради: ёғлар, унлар, асаллар, тузлар.
   
2. 
   Мавҳум отларга қўшилганда маънони кучайтиради: орзулар, бахтлар, хаёллар, ўйлар каби.
   
3. 
   Атоқли отларга қўшилганда умумлашганлик маъносини англатади: Фарходлар, Барчинойлар.
   
4. 
   Қариндошлик ифодаловчи отларга қўшилганда ҳурматни билдиради: дадамлар, онамлар.
   
5. 
   Ўзи иккита бўлган предмет номларига қўшилганда уларни кўплигини эмас, балки иккиталигини билдиради: кўзлар, қўллар, торлар, оёқлар, лаблар.
   
6. 
   Ўзи бир дона бўлган предмет номларига қўшилганда маънони кучайтиради, таъкидлайди: тилларим, бошларим.
   
7. 
   Предметларнинг аниқ бўлмаган кўп миқдорини билдиради: йўллар, тунлар.
   

Отларда эгалик
Предмет ёки предметлик тушунчасининг уч шахсдан бирига тегишли эканлигини билдирадиган шакллар эгалик категорияси дейилади.
Эгалик нутқдаги уч шахсни, бирлик ва кўплик сонларни ифодалайди.