Ўзбекистон республикаси қурилиш вазирлиги ўзбекистон республикаси

Зичлигига кўра пардозбоп бетонлар қуйидагича таснифланади.
Жуда оғир бетонлар - бундай бетонларнинг зичлиги 2500 кгм³ дан катта, бунда тўлдиргич сифатида темир рудали табиий тош, пўлат қипиғи (пўлат-бетон), магнезит, чўян майдаси ва бошқалар ишлатилади. Кўпинча бундай бетонлар радиация нуридан сақлашда айрим махсус асбоб-ускуналар, хоналарни мухофазалашда ишлатилади.
Оғир (оддий) бетон - зичлиги 1800-2500 кгм³, тўлдиргич сифатида қум, шағал ёки чақилган тош ва бошқалар ишлатилади. Қурилишнинг барча соҳаларида ишлатилади.
Енгил бетон - бундай бетонларнинг зичлиги 500-1800 кгм³, тўлдиргич сифатида тошқол, керамзит, аглопорит, пемза, туф ва бошқа енгил табиий ёки сунъий тошлар ишлатилади. Асосан, деворбоп ашё сифатида ишлатилади.
Жуда енгил бетон - зичлиги 500 кгм³ дан кам бўлган конструктив, деворбоп ва иссиқликни кам ўтказадиган кўпик-бетон, газ-бетон ёки йирик ғовакли бетонлар шулар жумласидандир.
Кўриниб турибдики, бетонларнинг зичлиги 300 кгм³ дан 3600 кгм³ гача ўзгарар экан. Бу эса, бетон буюмларини ёки конструкцияларни керакли зичликда тайёрлашга имкон беради.
Боғловчи моддаларнинг турига кўра бетонлар цементли, гипсли, асфальтбетон, силикат, полимер, полимер-цемент ва бетон-полимер кабиларга бўлинади.
Ишлатилишига кўра эса улар саноат ва уй жой қурилиши, гидротехник иншоотлари, йўл ва кўприклар қуришда ишлатиладиган, шунингдек кислота, ишқор ва бошқа зарарли муҳитга чидамли бетон, радиоактив нурларни ўтказмайдиган атом ва уран қозонларини қуришда ишлатиладиган махсус бетонлар, ўтга чидамли ва пардозбоп бетонларга бўлинади.
Бетонларнинг ғоваклиги 70-85% бўлганда, зичлиги 15-30% (жуда енгил бетонлар), ғоваклиги 10% бўлганда эса зичлиги 92% га тенг бўлади.
Ишлатилиш муҳитга кўра бетонларни музлаш ва сув ўтказмаслик маркаси
15.1-жадвал

Бетонни ишлатишидаги мухит		Бетон маркаси
Ишлатиш тартиби	Совуқ харорат ºC да		Музлашга чидамлилиги	Сув ўтказмаслик
1.Ўзгарувчан ҳарорат “музлаш-эриш” сувга шимилган сувга тўла шимилмаган Хавойи нам шароитда 2.Қисқа муддатда музлаш сувга шимилган сувга тўла шимилмаган	-5...-20 -5...-20 -5...-20 -5...-20 -5...-20		Муз 150-Муз 25 Муз 100-Муз 50 Муз 15-Муз 25 Муз 50-Муз 15 Муз 25-Муз 35 Муз 25-Муз 15 Оғир ва майда тўл-диргичли бетонга нормаланмаган.	С2 Нормаланмаган Нормаланмаган Нормаланмаган Нормаланмаган Нормаланмаган

Бетон қоришмасининг зичлиги тахминан 2700-3000 кгм³. Зичлик бетон таркибидаги тўлдиргичларнинг турига боғлиқ. Таркиби тўғри ҳисобланган бетон қоришмасида 8-15% цемент, 80-85% тўлдиргич бўлади.