Xalq ijodiyoti kafedrasi abdurasulov shuhrat muhiddinovich

bezaklarning oltin, kumush suvi bilan bezatilishi, naqsh zaminida ranglardan 
foydalanish bilan ajralib turadi. Xiva ustalari yog‘och о‘ymasining 
monumentalligi, tabiiy rangining mustahkamligi bilan boshqalardan 
farqlanadi. Quva о‘ymakorlari esa kalta bо‘rtmali, yassi о‘yma naqshlar 
yaratganlar. Peshtoqda ham naqsh bilan qoplangan yassi bо‘rtmali, zaminsiz 
chizma yog‘och о‘ymakorligi keng tarqalgan. Marg‘ilon ustalari uchuqur 
zaminli  о‘ymani qо‘llab kelganlar. Qо‘qondagi Xudoyorxon saroyi, 
Buxorodagi Sitorai Mohi-Xosa, Xivadagi Toshhovli, Marg‘ilondagi 
Saidmahmudxо‘ja madrasasi, Toshkentdagi N.K. Romanovlar saroyi va A.A. 
Polovsev uyi, Quvadagi Zayniddinboyning uyi va boshqalarda о‘zbek yog‘och 
о‘ymakorligi san’atining bebaho namunalari yaxshi saqlanib qolgan”. 
  Zargarlik  xalqimiz  amaliy  san’atining noyob, murakkab va g‘oyatda nozik 
sohalaridan bо‘lib hisoblandi. U nihoyatda uzoq tarixga ega. 
  Zargarlik xalq ustalaridan oltin va kumushni bolg‘alash, qizdirish, sayqallash, 
pardozlash, buyumga kо‘z bosish, tilla suvi berish kabi ishlarni uddalash mahoratini 
talab qilgan. Ular oltin, kumush, qimmatbaho toshlar va metallardan barmoqqa, 
kо‘krakka, peshonaga, boshga, sochga taqiladigan la’l, yoqut, feruz kо‘zli 
naqshinkor uzuk va bilakuzuklarni, tillaqosh, tillazulf va tillabargaklarni, 
zebigardon, zirak va tillaganchlarni ishlashgan, Farg‘ona va Toshkentda, Xorazm, 
Samarqand va Buxoroda tayyorlangan zargarlik buyumlari Turkistonning hamma 
joyida, Qashqar va Afg‘onistonda, Eron va Rossiyada juda katta qiziqish bilan xarid 
qilingan.