«veterinariya» ixtisosligi bo’yicha oliy o’quv yurtlari uchun qo’llanma

 
 KATTA QORIN VA ME’DANI YUVISh
TEXNIKASI
 
 
Reja: 
11.1. Qoramollarda katta qorinni yuvish. 
11.2. Ot, cho’chqa va itlar me’dasini yuvish.
 
Mashg’ulotning maksadi: 
Studentlarni hazm tizimi kasalliklarini 
davolashda qo’llaniladigan ayrim terapevtik texnikalarni bajarish 
qoidalari bilan tanishtirish, ularda bajarish ko’nikmalarini hosil qilish. 
Kerakli asbob-uskuna va jihozlar:
Klinik tekshirish uchun asbob 
va uskunalar, qonni va siydikni laborator tekshirish uchun kerakli asbob 
va reaktivlar, katta qorin va me’dani yuvish uchun zondlar, voronka, 
0,1%-li kaliy permanganat eritmasi, 1%-li natriy sul’fat eritmasi, 
qoramollar, qo’ylar va itlar uchun zevniklar, jadvallar va surgi 
dorilardan namunalar. 
Mashg’ulotning borishi:
Hazm tizimi kasalliklarining tarqalishi va 
iktisodiy zarari, tasnifi, asosiy sindromlari to’g’risidagi ma’ruzalar 
materiallari takrorlanib mustahkamlangach, talabalar 3 kichik guruhga 
bo’linadi va o’qituvchi rahbarligida sigirda katta qorinni, otda va itda, 
mayda hayvonlarda me’dani yuvish hamda gipotoniya bilan kasallangan 

---

59 
sigirni davolash ishlarini olib boradi. Qo’llanilgan dorilarga reseptlar 
yoziladi.
Kavshovchilarda zondlar to’planib qolgan gazlar va oziqa massasini 
chiqarib yuborish va katta qorinni yuvish maqsadida yuboriladi. 
Bulardan tashqari dori eritmalarini ichirish, sun’iy oziqlantirish 
maqsadida hamda katta qorin va me’dani yuvish maqsadida burun-
qizilo’ngach va og’iz-qizilo’ngach zondlaridan foydalaniladi.
Kavshovchilarda katta qorin oziqalardan zaharlanish, bo’kish, 
birlamchi xarakterli gipo- va atoniyalarni, timpaniyani davolash 
maqsadida Cherkasov, Dosenko, URJZ-1-3 tipidagi zondlar yoki 
xo’jalik shlanglari yordamida yuviladi.