Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Аттракционлар синфдан ташқари ишларнинг соғломлаштириш шакли сифатида
Аттракционлар спорт кечаси, спорт байрамлари, актив дам олиш тадбирлари, турли хилдаги кўнгил очиш маросимлари дастурига хилма-хиллик ва жонланиш киритади. Уларни тадбирларда қўллаш учун танлашда ўқувчиларнинг ёши, жисмоний ривожланганлиги, тайёргарлигини ҳисобга олиниши мақсадга мувофиқ. Аттракционлар амалий ва семинар машғулотларида ўрганилади. Уларнинг мазмунида инсон организмининг ҳаракат сифатларини ривожланганлигини даражасига баҳо бериш имконияти қулай. Бу ўйинлар турли мактаб ёшидагилар ўрта, катта ёшдагилар учун ҳам мақсадли қўллаш имконияти мавжуд. Аттракционлар фақат жисмоний сифатларнигина эмас организмнинг руҳиятига ҳам фойда келтирадиган руҳий тарбия воситаси деб қараш мумкин. Улар «Ҳаракатли ўйинлар»дан фарқли ўлароқ организмнинг эмоционал ҳолатини кўтариш, актив дам олиш ва бошқа сифатларни кундалик ҳаёт талаби учун лозим даражада ушлашда восита ролини ўйнайди. Биз аттракцион ўйинларни қўлланмада беришни мақсад қилиб қўймадик.
13-МАВЗУ: Спорт кечаларини мазмуни, ташкиллаш ва ўтказиш. Спорт викториналарини ўтказиш


Спорт кечаларини ва унинг мазмуни
Спорт кечаларини мазмуни, ташкиллаш ва ўтказиш синфдан ташқари ишларнинг асосий шаклларидан бири ҳисобланиб, унинг тарбиявий аҳамияти таълим тарбия жараёнида салмоқли ўринга эга. Мактаб ҳаётида спорт кечаси унутилмас ҳодиса. Бундай кечаларни бир йилда бир неча маротаба ташкиллаш мумкин. Масалан, уни ҳар бир ўқув чорагини якунига бағишлаб ташкиллаш мумкин. Бу тадбир жисмоний тарбия ва спортни мактабда тарғибот ва ташвиқот қилиш учун асосий воситагина эмас, ўқувчилар учун дам олишни бошқа аҳамиятли турига алмаштириб бўлмайдиган актив ва пассив дам олиш воситаси сифатида қараш мумкин. Энг муҳими бундай кечаларни ўқувчиларнинг ўзлари ўқитувчилари раҳбарлигида уюштирадилар. Аввалига ўқувчилар ўқитувчи томонидан тавсия қилинган адабиётлар билан танишиб чиқишлари шарт. Спортга оид маркалар коллекцияси бўлса улар билан таништирилади, спорт тематикасига оид откриткалар, спортга, жисмоний машқларни фойдасига оид мақоллар, моҳир спортчи ёки таниқли арбобларнинг айтганлари, янги аттракционлар, кўнгил очиш, кўнгил ҳушликлар қилиш воситаларидан фойдаланилади. Кечага ҳаваскорлар гуруҳини таклиф қилиш мумкин. Тайёргарлик давомида ўқувчилар қизиқарли нарсаларни ўрганадилар ва бу билан ўзларини дунёқарашларини кенгайтирадилар.