Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Спорт кечаларини ташкиллаш ва ўтказиш
Спорт кечасини ўтказиш учун жисмоний тарбия ўқитувчиси ўрта ва катта мактаб ёшидаги фаол ўқувчилардан бир гуруҳини жалб этади. Улар синфларнинг жисмоний тарбия ташкилотчилари, мактаб жисмоний тарбия жамоаси кенгаши аъзолари, спортчи-фаоллар бўлиши мумкин. Кечани ўтказиш учун фаолларни тайёрлашга ўқитувчи махсус адабиётларни танлайди. Масалан, кеча спорт атракционларига багишланган бўлса ёки қувноқлар ва зукколар учрашуви тайёрланаётган бўлса, мавзуга оид спорт адабиётлари, газеталари ва журналларидаги материаллардан фойдаланиш мумкинми ёки йўқлиги келишиб олинади. «Спорт кечаси»ни ўтказилишида реклама қилишнинг аҳамияти жуда катта. Олдиндан мактаб радиоузели, деворий газеталари кечага атаб эшиттиришлар газеталарни махсус сонини чиқарадилар; тайёргарликни бориши ҳақида фото, радиомонтажлар тайрлайдилар, катта ва рангбаранг қилиб эълонлар илиб қўйилишини тарғибот ва ташвиқот ишлари сифатида фойдаси катта, таклифномалар эса ҳазил мутойибалар ифодасида тайёрланиб тарқатилиши орқали ўқувчиларда, ҳазилни тушуниш, ўринли ҳазил қилиш малакалари ва кўникмаларини шаклланишида муҳим рол ўйнайди. Кечада синфларнинг терма жамоалари, ўзлари келишиб тузилган кичик жамоалар тарзида иштирок этиш мумкин. Бошланишида «етакчи» кечанинг дастурини эолон қилади ва президиумда ўтирганлар билан таништиради ёки ҳакамлар таркибини эолон қилади. Ҳакамларни таркибида мактабнинг энг яхши спортчилари, жисмоний тарбия ўқитувчилари, мактаб фаоллари, таклиф қилинган меҳмонлар, ота-оналардан вакиллар ҳам бўлиши мумкин.
Спорт кечаси дастурини тузишга қўйиладиган талаблар
Спорт кечаси дастурини тузишга қўйиладиган тахминий талабларни қуйидагилар деб белгиладик:
1. Жамоалар ёки уларнинг сардорларини саломлашуви.
2. Жамоа аъзоларини жисмоний машқларни шуғулланувчи организмига таъсири, спортни тарбия воситаси сифатида ижтимоий моҳияти, жисмоний тарбия назарияси, жисмоний тарбия тарихи, Олимпиада ўйинлари спорт турлари ва олимпиада ўйинларининг тарихи ва бошқа мавзулар бўйича саволлар.
З. «Cаломатлик» тестининг амалий топшириқларни бажариш.
4. Бадиий хаваскорлик номери ёки намойиш қилиш мақсадидаги спорт чиқишлари.
5. Викториналар ўтказиш.
6. Аттракцион номерларида иштирок этиш.
7. Ғолибларни аниқлаш ва уларни такдирлаш.