Таълим вазирлиги наманган муҳандислик-қурилиш институти энергетика

Селективлик дегани, бу занжирнинг фақат авария ҳолатдаги бўлагини ҳимоя қилишдир (манбадан узишдир).
Ишлаб кетиш тезлиги авария ҳолатининг олдини олади, авария ъолатида ъам энергетика тизимининг барқарорлигини ъамда электр энергиясининг юқори сифатини таъминлайди.
Реле сезгирлигининг ошиши ҳимояланмаганлик даражасини кескин камайтиради.
Ишончлилик эса оғир авария ҳолатининг олдини олади ва объектнинг нормал ишлашини таъминлайди.
Электр юритмаларини ҳимоя қилиш релелари ва автоматик релелари қуйидаги специфик (махсус) талабларга жавоб беришлари керак. Мазкур релелар жуда оғир шароитларда ишлайдилар, яъни бошқа ускуналар билан туртиниш эҳтимоллиги, контактлар тебраниши, ишчи муҳит чанг ва бошқа қўшилмалар билан ифлосланган шароитлар ва шу кабилар. Замонавий электр юритмалари схемаларида соатига 1000-1200 улаб-узиш талаб қилиниши муносабати билан релелар юқори даражадаги механик ва электрик емирилишга бардошлиликга (яъни улаб-узиш миқдори (1-10)10⁶ га) эга бўлишлари керак. Шунингдек мазкур гуруҳ релелари ишончли ишлашни таъминлашлари талаб қилинади.
Ток релелари токнинг қийматини ортиши билан ишга тушади ва уларни қуйидаги турлари мавжуд:

• 
  бирламчи ток релелари, улар узгичларнинг юритмасига бевосита созланган бўлади;
  
• 
  иккиламчи ток релелари, улар ток трансформаторлари орқали уланади, уларга электромагнит (РТ-40), индукцион (РТ-80), иссиқлик (ТРА), дифференциал (РНТ, ДЗТ), интеграл микросхемали (РСТ) ва филтр (РТФ), яъни тескари кетма-кетлик ток релелари киради.
  

Ток релелари истеъмол қилинаётган токнинг қиймати руҳсат этилган қийматдан ортиб кетганда ҳимояланаётган занжирни тармоқдан узиб қўйиш учун мўлжалланган бўлиб, улар электр занжирларни ва электр энергия манбаларини ўта юклама ва қисқа туташув токларидан ҳимоя қилишда ишлатилади.
Р
еле ҳимоя қурилмаларида ток релеси энг кўп тарқалган бўлиб, улар занжирга кетма-кет уланади, уларнинг чулғамлари кесим юзаси нисбатан катта бўлган симлардан кам ўрамли қилиб тайёрланади. Шунинг учун ток релеларининг ички қаршилиги жуда кичик бўлади.