Sa’dullo Quronov galaktikada bir kun (ilmiy-fantastik qissa) Toshkent «Akademnashr»

MAANEN YULDUZI YAQINIDA
General Obma hali ham Maanen yulduzi yaqinida o‘z 
josusidan  xabar  kutib  turardi.  U  «Ko‘kkezar»  ekipajining 
Yondosh olamdan eson-omon qaytishiga unchalik ishon-
masdi. Lekin negadir ko‘nglining tubida bir ovoz «Ular o‘ta 
abjir», «Ulardan har narsani kutish mumkin» deb turardi.
Obma shu kabi xayollarga berilib turganida boyagi «be-
so‘naqay miks» yana aloqaga chiqib qoldi:
– Qo‘ling qayrilmasin, qo‘mondon, ular uchib ketishyapti.
– Qayerga, aniqladingmi?
– Koinot muzeyiga.
– Ha, ko‘nglim sezgandi. Axir xaritaning ikkinchi bo‘lagi 
shu muzeyda saqlanadi-ku... Mayli, sen tez ortingga qayt.
Generalning  oldida  hammasini  eshitib  turgan  Rago 
boshlig‘iga ayyorona boqib dedi:
– Xo‘jayin, qara, o‘ljamiz o‘z oyog‘i bilan biz tarafga qay-
tib kelyapti. Pistirmadan hujum qilaylikmi?!

---

95
– Eh, nodon Rago, nima uchun men qo‘mondon-u, sen 
esa oddiy xizmatkor ekaning haqida hech o‘ylab ko‘rgan-
misan?
– Bir qoshiq qonimdan kech, bu haqida aslo o‘ylamay-
man!
– Chunki sendaylar faqat burnining ostinigina ko‘radi, 
men esa uzoqni. Bilasan, men uzoq yillardan beri galaktika 
xaritasini jamlash orzusida yuraman, ammo buning imko-
nini hecham topolmayman. Mana, imkoni topildi. Ular men 
o‘ylagandan  ham  ancha  chaqqon  chiqib  qolishdi.  Qo‘yib 
ber, xaritaning keyingi bo‘lagini ham qo‘lga kiritishsin. Biz 
ularni o‘shanda qo‘lga olamiz. Hozir esa Koinot muzeyiga 
qarab uchamiz...