Sa’dullo Quronov galaktikada bir kun (ilmiy-fantastik qissa) Toshkent «Akademnashr»

KALAVANING UCHI TOPILDI
Bugun  tong  vaqtida  Maanen  yulduzi  yaqiniga  yetib 
kelgan general Obma hademay hamma savollariga ja-
vob olishidan umidvor edi. Shu paytda uning aloqa qu-
rilmasi  ham  jiringlab  qoldi.  U  javob  tugmasini  bosishi 
bilan monitorda boyagi beso‘naqay miksning basharasi 
ko‘rindi.
– Qo‘ling hech qachon qayrilmasin, general!
– Seniki ham. Qani, tezroq gapir.
– Ular hozir Yondosh olamga uchishmoqchi. «Ko‘kke-
zar» degan juda noyob, aql bovar qilmaydigan tezkor ke-
masi ham bor!
– Yondosh olamda pishirib qo‘yibdimi?
– Ular Dordonni zindondan ozod qilishmoqchi.
– Ha-ya, mening ittifoqdoshlarim Dordonni o‘g‘irlashgan 
edi-ku. Xo‘sh, bunga anavilarning nima aloqasi bor ekan?
– Ularning biri salmirlik, biri yerlik, biri esa marslik droid. 
Hammasi galaktika xaritasini izlashmoqda.

---

83
–  Xa-xa-xa!  –  Obmaning  bu  qah-qah  otib  kulishi  shu 
qadar baland chiqdiki, go‘yoki butun kema silkinib ketgan-
day bo‘ldi.
– Eh, nodonlar... tushunarli... tushunarli... ular xaritaning 
bir bo‘lagi menda ekanini bilisharmikan o‘zi? Xa-xa-xa...
– Bir qoshiq qonimdan kech, general. Men ularni nodon 
demagan bo‘lardim. Ayniqsa, anavi odam juda xavfli ekan.
Bu gapdan generalning kapalagi uchib ketdi. So‘ng jid-
diy turib josusdan yana boshqa ma’lumotlarni ham batafsil 
so‘rab oldi va dedi:
– Sen o‘sha askarlardan birining qiyofasiga kirgin-da, 
ular bilan birga uch. Boladan ehtiyot bo‘l. Bilib qo‘y, u men-
ga tiriklayin kerak!
– Xo‘p bo‘ladi, general!
Aloqa tugadi.
Ayni damda koinotda Obmadan baxtliroq mavjudot yo‘q 
edi. Chunki u anchadan beri ich-etini tirnab kelayotgan sa-
vollarning javobini eshitdi. Endi u hammasi – salmirliklar 
muammosi,  N
2
G  kristali, Ahmad,  «Ko‘kkezar»,  xarita  va 
abadiy energiya generatori haqida biladi. «Bularni bilishim 
mening g‘alabamdan darak beradi», – deb o‘yladi Obma. 
U  shu  tobda  turli  rejalar  tuzarkan,  hammasiga  birdaniga 
erishishi mumkinligini o‘ylab sevinardi.