Russ nashriyotiga so‘z boshi

Diqqatingizni o‘zgarmaydigan narsalarga qarating  

  

Ko‘pgina kompaniyalar kelajakda “otib tashlash” mumkin bo‘lgan narsalarga 

bor e’tiborini qaratishadi. Ular yangi qaynoq mavzularga bog‘lanib qolishadi. Ular 

yangi trendlar va texnologiyalar ortidan borishadi.   

---

Bu  ahmoqlar  uchun  qarmoqdir.  Siz  modaga  qiziqishni  boshlayapsiz,  uning 

mohiyatiga  emas.  Siz  diqqatingizni  doimiy  o‘zgarib  turadigan  narsalarga 

qaratayapsiz, o‘zgarmay qoladiganlariga emas.   

Sizning  butun  biznesingiz  o‘zgarmay  qoladigan  narsalar  atrofida  qurilishi 

kerak. Odamlarni aynan hozir ham qiziqtiradigan va o‘n yil o‘tgandan so‘ng ham 

qiziqtiradigan narsalar atrofida qurilishi kerak. Aynan mana shu narsalar investitsiya 

qilishga arziydi.  

Amazon.com tovarlarni tez (yoki tekin) yetkazib berilishi, yaxshi assortimenti, 

yaxshi sharoitda qaytarilishi va yaxshi narxlarda bo‘lishiga bor e’tiborini qaratdi.   

Yapon  avtoishlab  chiqaruvchilari  ham  o‘zining  diqqatini  doimiy  o‘zgarmas 

bo‘lib  qoladigan  bazaviy  tamoyillarga  qaratishadi:  ishonchlilik,  hammaboplik, 

qulaylik.  Odamlar  o‘ttiz  yil  oldin  ham,  hozir  ham  va  o‘ttiz  yildan  keyin  ham  bu 

narsalarga erishishni hoxlashadi.   

37  signalsda  biz    foydalanilishdagi  tezlik,  oddiylik,  qulaylik  va  tushunarlilik 

kabi  jihatlarga  e’tiborimizni  qaratdik.  Bunday  xohishlar  ustidan  vaqt  hukmronlik 

qila olmaydi. O‘n yil o‘tib odamlar bir kuni uyqudan uyg‘onib: “Biz bu dasturdan 

foydalanish qiyinroq bo‘lishini xohlardik” deyishi mumkin emas. Ular: “Biz bu ilova 

sekinroq ishlashini xohlardik” deyishmaydi.   

Eslab  qoling:  moda  o‘tib  ketadi.  Siz  diqqatingizni  o‘zgarmas  narsalarga 

qaratsangiz hech qachon pand bermaydigan narsaga pul tikkan bo‘lasiz.